Leeuweld

Uut Wikipedia, de vrye encyklopedy
Nå navigaty springen Nå söken springen

Leeuweld (Nederlands: Lievelde) is n darp in de gemeente Oost Gelre in de Nederlandse provinsie Gelderland. Tot ende 2004 was het ne darpskern van de olde gemeente Lechtenvoorde. t Darp hef umsgeveer 1725 inwonners.

In Leeuweld wödt t "Boksebier" ebrouwen in t Openluchtmuseum Erve Kots. Ok is in Leeuweld t spel Boerengolf uutevonden. Vanof 2004 hef Leeuweld ne wiengaord van 4,5 bunder an n voot van de Engelse schans. Ok he'j in disse plaatse t spoorwegstasion Lechtenvoorde-Grolle.

Leeuweld is in de kontreien ok bekend um nen groten binnenspöltuin, "Binnenpret", dèn op de funderingen van ne olde boerderi'je is ebouwd.

Leeuweld betekent laeg, maor groot veld. Old-Hollandse namen veur Leeuweld bunt: Lyvele, Lyvelde, Levelde, meugelik ok Lefna, maor daor bunt ze neet zaeker van. Tiedens karneval het t darp t Nölersdarp.

Nedersaksies[bewark | bronkode bewarken]