Karkraode

Uut Wikipedia, de vrye encyklopedy
Gemiente Karkraode
Vlagge van de gemiente Karkraode Waopen van de gemiente Karkraode
(Vlagge van Karkraode) (Waopen van Karkraode)
Lekaosie van de gemiente Karkraode
Lekaosie van de gemiente Karkraode
Infermaosie
Perveensie Limburg
Heufdplak Karkraode
Geografie en bevolking
Oppervlak
 - Laand
 - Waeter
21,94 km²
19,64 km²
2,30 km²
Antal inwoners
Inwoners per km²
48.721 (1 jannewaori 2007)
2497 inw./km²
Koordinaten 50° 52′ N, 6° 4′ O

Koördinaoten: 50° 52′ N, 6° 4′ O

Oaverig
Belangrieke verkeersaoders N299, N300
Netnummer 045
Postkodes 6460-6471
Officiële webstee www.kerkrade.nl

Karkraode (Nederlaans: Kerkrade, Limburgs: in Karkraode zels: Kirchroa, in de rest van Limburg: Kèrkraoj) is een Nederlaanse plak (stad) en gemiente in Zuud-Limburg. De inwoners praoten een Middelduuts dialekt, aanders zoas dat 't geval is in de rest van Limburg. Angreenzende gemienten bin onder aandere de Nederlaanse gemienten Heerlen en Laandgreef en de Duutse gemiente Herzogenrath. Karkraode maekt diel uut van de plusregio Parkstad Limburg.

Karksraods dialekt[bewark | bronkode bewarken]

Et Karkraodse dialekt (Kirchröadsj), wodt vaeke zien as een Limburgs dialekt, mar vaeke ok as een Ripuarisch dialekt. Et Karkraods wodt veural kenmarkt deur veul Duutsklinkende woorden, zoas ummer (altied), sjproach (tael) en een overdaod an j-klanken. Ok in de eerste Limburgse regiosoap De Hemelpaort komt dit dialekt veur.

Geschiedenis[bewark | bronkode bewarken]

Karkraode was een diel van Rode of 's-Hertogenrode in et Braobaanse laand van Overmaas. Bi'j de opheffing van et departement van de Beneden-Maas as gevolg van et Kongres van Wenen op 5 april 1815 wodde 's-Hertogenraode zels toewezen an Prusen, mar Karkraode wodde daorvan ofsplitst en bleef Nederlaans grondgebied. Dit laeste gebeurde pas, ruum een jaor laeter op 26 juni 1816 as gevolg van et Greensverdrag van Aken. Inkelde jaoren laeter ropt België heur onofhaankelikhied uut en maekt Karkraode tot Belgisch grondgebied. Karkraode wodt pas weer Nederlaans grondgebied op 19 april 1839 as gevolg van et Verdrag van Londen. Tegere mit Herzogenrath vormt Karkraode opni'j een symbolische ienhied as Europastad Eurode.