De Hemelpaort

Uut Wikipedie, de vrye encyklopedy
Naar navigatie springen Naar zoeken springen

De Hemelpaort is een Limburgstaelige serie (regiosoap) en wodde uutzunnen op de Limburgse regionaole tillevisiezender L1-TV. De serie beston uut 20 ofleverings. De eerste uutzending van De Hemelpaort was op 25 febrewaori 2007. Et verhael is opneumen in et Limburgse dörp Beek, dat in de serie Elsenrade hiet. In dit daenkbeeldige dörp staot et kefé De Hemelpaort, hier speulde et verhael heur of. Veerder bin der nog wat gastenrollen weglegd veur bekende Limburgers. De akteur Harrie Huijs die in de serie Sjeng speult is op 22 febrewaori, krek veur de première van De Hemelpaort, uut de tied kommen.

Limburgs[bewark | bronkode bewarken]

De Hemelpaort kenmarkt him deurdat der veul verschillende Limburgse dialekten deurmekeer henne praot wodden. De akteurs kommen haost allegeer uut de perveensie Limburg. Wim Kuipers dee de vertaeling van et scenario in et Algemien Schreven Limburgs, mar de akteurs praoten heur eigen dialekten, dit bin onder aandere et: Mestrichts, Karkraods, Sittards, Venlo's, Heerlens, Weerts, Valkenburgs en gao zo mar deur.

Daornaost was d'r ok Limburgse meziek te heuren van onder aandere Rowwen Hèze, mit et titellied Blaad an de Palm dat schreven is deur Jack Poels en meziek zungen deur Serge Gulikers (in de serie Sem Peeters) die ok bekend is van Idols. Veerder kwammen et Limburgse laandschop en de Limburgse volksaord an bod en kon de kieker kennismaeken mit de volkskultuur van Limburg.

Perduktie[bewark | bronkode bewarken]

De serie wodde produceerd deur Johan Nijenhuis (NL Film). Hi'j het onder aandere ok de Twentse serie Van Jonge Leu en Oale Groond produceerd, dit was grotendiels te daanken an et feit dat hi'j oorspronkelik uut disse omkrieten kwam. Ok de serie Nachtegaal en Zonen van RTV Utrecht wodt produceerd deur Johan Nijenhuis. L1-TV het him doe vraogd of hi'j ok een Limburgse serie produceren wol. De serie wodde onder aandere subsidieerd deur de perveensie Limburg.

De acteurs[bewark | bronkode bewarken]

Echte naeme In de serie
Riny Jalhay Mia Beckers
Harrie Huijs Sjeng Klinkers
Mo'Jones Rick Beckers
Serge Gulikers Sem Peeters
Hans Kiggen Albert Schreurs
Joris Niessen Roel Caanen
Sander Salden Ralph Zenden
Rianne Vleugels Joyce van Mulken
Michiel Hendriks Theo Smeets
Willemijn van Daal Kelly
Joes Boonen Monique Klinkers
Robbert Munsters Milan Dohmen
Misty Veugen Melanie Dohmen
Roel Imfeld Giel Beckers
Anique Pappers Fleur Klinkers
Vivian Lataster Bianca Stassen