Nederweert

Uut Wikipedia, de vrye encyklopedy
Gemaente Nederweert
Vlagge van de gemeante Nederweert Waopn van de gemeante Nederweert
(Vlagge van Nederweert) (Waopen van Nederweert)
Lokatie van de gemeante Nederweert
Lokatie van de gemeante Nederweert
Informasie
Proveensie Limburg
Heufdplaatse Nederweert
Geografie en bevolking
Öppervlakte
 - Laand
 - Water
101,78 km²
99,68 km²
2,10 km²
Inwonners
Bevolkingsdichtheid
16.520 (1 juli 2006)
166 inw./km²
Koordinaten 51° 17′ N, 5° 45′ O

Koördinaoten: 51° 17′ N, 5° 45′ O

Aoverig
Belangrieke verkeersaoders A2, N266, N275
Netnummer 0495
Postkode 6030-6035, 6091-6092
Offisiële webstie www.gemeentebeek.nl

Nederweert (Limburgs: Ni-jwieërt) is ne plaatse en gemeente in Limburg. De gemeente hef ne oppervlakte van 101,78 km² (woarvan 2,10 km² water).

Oaverige karnen[bewark | bronkode bewarken]

Budschop, Leveroij, Nederweert-End, Ospel, Ospeldiek en Schoor.

Geskiedenis[bewark | bronkode bewarken]

Name[bewark | bronkode bewarken]

Nederweert neumden zi-j vrögger Merefelt, wat betekkent 'in et midden van meren', of later, Weert van et nederste ende. Dit leste is verbasterd tot Nederweert. Nen anderen uutleg van 'Mereveld' is dat de benaming ofstamt van et Germaanse weurd 'mar' (peerd), en 'vilde' (veld of plaatse) et Mereveld zol nen peerdenwesselplaatse uut de Romeinse tied wean ewest, vandage nog herkenboar in de benaming van de buurtschop Rosveld, eavenens mit betekkenis peerdenwesselplaatse.

Schepenbank[bewark | bronkode bewarken]

Nederweert was vrögger verboanden an den schepenbank van Weert. Argens halverweage de 14de eeuwe wodden Nederweert van Weert ofgescheiden. In 1419 wodden veur et eerst tieding emaakt van nen eigen schepenbank en heerlekheid. De heerlekheid blef bestoan tot den Fransen inname in 1795 van de Zudeleke Nederlanden.

Heerlekheid[bewark | bronkode bewarken]

De heerlekheid is lange tied in bezit ewest van de graven van Horne. In 1701 kwam Nederweert dreks onder de Stoaten-Generoal en in 1715 bi-j de Oostenriekse of Zudeleke Nederlanden. Vanof de Franse tied heurden et ok bi-j et Belgiese departement van den Nedermaas. (Kiek wieter bi-j et Oaverkwarteer van Gelder).

Belgiese Tied[bewark | bronkode bewarken]

Tiedens den Belgiesen krieg vocht Nederweert an de kante van de Zudeleke Nederlanden (België). Nederweert heurden noa et uutropen van et ni-je laand 9 joar bi-j België. Noa de erkenning van België deur den Nederlaandsen könning Willem 1, wodden Limburg ne proveensie binnen Nederlaand moar ok et hartogdom Limburg binnen den Duutsen Bond. De 3 hartoagen dee Limburg ehad hef waren dan ok de könningen van Nederlaand. Totdat uutendelek in 1866 et hartogdom veur altied vort ging en het nen volle Nederlandse previnsie wödden.

Karke[bewark | bronkode bewarken]

In et darp steet ne rooms-katholieke (Lambertus) karke uut 1467, ebouwd in Braobantse gotiek. De registers van Deup (vanof 1569), Trouw (vanof 1562) en Oaverlieden (vanof 1724) van Nederweert bunt onder-ebracht in et Rieksarchief in Maastricht.


Uutgoande verwiezing[bewark | bronkode bewarken]