Jan Siebo Uffen
Jan Siebo Uffen (Noordloaren, 1942) is een schriever en dichter in 't Grunnings. Zien gedichten vaalt op deur klaankexperimenten die as niet vake veurkoomt in 't Nedersaksisch.
Soortement wark
[bewark | bronkode bewarken]Uffen kwaamp in 1966 veur 't voetlocht in tiedschrift Twijspaalk. Sindsdien schref e gestaag verhalen, gedichten en liedteksten in 't Oldambtsters (zien volk kwaamp uut 't Oldambt). Aandere tiedschriften daor as e an mitwarkte waren onder meer Groningen en Krödde. Zien teksten bint vake bedoeld um veur te lezen, in toniel te gebruken of te zingen. Diels is det zo, umdet in 't onderwies mar hiel now en dan elezen wördt in 't Grunnings.
In zien körte schetsen veur de radio leut de Grunninger zanger Ede Stoal hum inspireren deur 't wark van Uffen.
Wark veur muziek
[bewark | bronkode bewarken]Riegelmaotig schref Uffen teksten veur Grunninger muzikaanten. Een best antal Grunninger artiesten, waoronder Wia Buze, Henk Drenth, de Famondiosingers en de Fiebeldekwinten, hebt wark van hum openeumen in 't repertoire. Hij hef bewarkings emeuken van Schubert (Winterraaize), Schumann (Dichterlaifde) en Grieg (Geert Guut/Per Gynt). Onder meer warkt'e samen mit pianiste Ellen Dijkhuizen, bariton Henk Smit en pianist Stanley Hoogland.
In 1991 kreeg e de Literaire Pries van Stichting t Grunneger Bouk veur zien volledige wark.
Veurbield
[bewark | bronkode bewarken]- Huibui streekstoe bloumkes koal,
- Berre oet d'bek en laaideg.
- Schoedeldest t loof van d'stoal.
- Steertind hoog en taaiberg.
- Bladdern was gain schaande toch?
- Doe bist dood, en Nixon leeft nog.
(Uut: 'Zuzoi veur Ho-Tsi, n katte', in: Dè)
Publicaties
[bewark | bronkode bewarken]- 1989 Dè (verhalen en gedichten, Profiel, Beem)
- 1991 Oere, Oere (Profiel, Beem)
- 1995 Roege Paiter/Piet de Smeerpoers (eigen beheer)
- 1997 Groot en klaain laid (eigen beheer)
- 1999 Ales oet laifde (mit Peter Visser; PBC Grunning en OB Grunning)
- 2008 Zoveul joar (Grunneger kwatrijnen, eigen beheer)
- 2010 Blui (Stichting t Grunneger Bouk)
- 2013 Lutje laidjes (eigen beheer, mit illustraties deur Joke Boersma)
Toniel en theater
[bewark | bronkode bewarken]- 2005 Gele Bloumen (tonielgroep WAARK)
- 2015 Onder de weg en over de locht (gedichten naor anleiding van de Chassidische legenden van Martin Buber, mit droksels van Hendrik Nicolaas Werkman)
Aoverzettings
[bewark | bronkode bewarken]- 2000 Dichterlaifde / Schumann (eigen beheer)
- 2010 Winterraaize / Schubert (cd, Henk Smit-bariton, Stanley Hoogland-piano)
Bronnen
[bewark | bronkode bewarken]- Webloug aover Jan Siebo Uffen
- Jurjen van der Kooi (red.) (1990), Dialectliteratuur: Perspectief en balans van de moderne streektaalletterkunde in Oostnederland en Nederduitsland, Grunning: Sasland
|
Dit artikel is eschreven in 't Zuudwest-Drèents. |