Ina Müller

Uut Wikipedia, de vrye encyklopedy
Naar navigatie springen Naar zoeken springen
Ina Müller
Müller, 2007
Müller, 2007
Algemene informasie
Geboren 25 juli 1965
Laand Nedersaksen, Duutsland
Spraoke Platduuts
Duuts
Genre Kleinkunst
Offisiële webstee
http://www.inamueller.de

Ina Müller (Köhlen (Cuxhaven), 25 juli 1965) is een Duutse zangeres, grappenmaakster, schriefster en praotsjowprissentatrice. Ze wuur bekend deur heur optredens in het grappenduo Queen Bee en heur prissentatie van Inas Norden en Inas Nacht. Met Queen Bee haar ze in 2004 een gastrol in de film Schöne Frauen.

Leem[bewark | bronkode bewarken]

Müller wuur as vierde in een boerengezin met vief dochters geboren. Naodat ze van schoele kwam gung ze an het wark as apothekersassistente op het Waddeneiland Sylt en daorna in Bremen.

Ze wuur bekend met het grappenduo Queen Bee dat ze in de summer van 1994 samen met Edda Schnittgard oprichtte. Op 12 december 2005 deu ze heur afschiedsveurstelling in dit duo.

Sins 2002 warkt ze an eigen projecten, veural in het Platduuts. Toen ze nog jonger was schreef ze veur het langlopende radioprogramma op de NDR Hör mal 'n beten to.

Van 2005 tot 2009 prissenteerde ze de docusoap met de titel Land & Liebe en later de praotprogramma's Inas Norden en Inas Nacht. Daornaost was ze veul te zien op uutzendingen van de NDR en later ok op andere zenders. Inas Nacht wodt sins 2009 herhaald op de landelijke zender ARD.

In februari 2006 begun ze heur tweede allentoptreden, Ina Müller liest und singt op Platt. In de herfst van dat jaor gung ze op tournee onder de titel Weiblich, ledig, 40, vertaald Vrouwelijk, allentstaond, 40. Ze woont in de tussentied samen met zanger en liedtiesschriever Johannes Oerding met wie ze sinds 2009 ook samen op de bühne stiet.

In februari 2009 prissenteerde ze veur de ARD de gala-uutzending ter ere van de honderdste verjaordag van Heinz Erhardt. In oktober van dat jaor kwam de NDR met heur programma Stadt, Land, Ina! In 2011 en 2012 prissenteerde ze veur de ARD de uutreiking veur de meziekpries Echo; in 2012 wun ze veur't eerst ok zelf twee Echo's. Verder was ze het Duutse jurylid veur het Eurovisieliedtiesfestival van 2011.

Uutgaonde link[bewark | bronkode bewarken]


Wikimedia Commons Commons: Ina Müller - plaetjes, filmkes en/of geluudsbestaanden.
Nuvola apps ksig.png Dit artikel is skreaven in et drentsk.