Breemn

Uut Wikipedia, de vrye encyklopedy
(döärstüürd vanaf "Bremen")
Roadhoes

Breemn (Hoogduuts: Bremen) is ne stad in t noordn van Duutslaand. Te hope met Bremershaawn vörmt t de deelstoat Vrieje Haanzestad Breemn. Met 548.319 inwonners is t de neegnde-grötste stad van Duutslaand.

Breemn lig oawer de Wezer hen, ne rivier woeran't Breemn woarskienlik zin oorsproonk an te daankn hef. Net vuurbie de stad wörd de rivier wat breder, zodet zeeskepe dr ook makkelik komn köant. De haawn wörd skoonwal hoaste nit mear broekt. t Meeste haawnwoark wörd rechtevoort in Bremershaawn doan, wat 60 km noar t noordn en pal an zee lig.

Breemn wörd vuur t eerste neumd in 782. Vief joar doarop stichten Koarel n Grootn n bisdom en wör de stad oetvalsbasis vuur de bekearing noar t Kristendom van noord Europa. 1260 köm de stad bie t Haanzeverboond, mer doar wördn ze töt dreemoal too oet ezat. Tiedns n Tweedn Wearldoorlog wör Breemn vuur mear as de helfte platbombardeerd.

Zeensweardigheedn[bewark | bronkode bewarken]

Noar Breemn is t sprökske van de Bremer stadsmuzikaantn neumd. De muzikaantn hebt n staandbeeld ekreegn. n Aander kenteekn vuur de stad is t Rolandstaandbeeld oet 1404 wat de vrieheaid van de stad vuur mut steln. Beaide beeldn stoat vuur t Roadhoes, wat op zikzelf n belangriek Goties bouwwoark is, met ne vuurgallerieje in de stiel van de Wezerrenaissance. t Rolandbeeld en t oolde roadhoes stoat seend 2004 beaide op de Wereldoarfgoodlieste van UNESCO.

Seend 1920 hef Breemn ne eegne lochthaawn, ne universiteat (1970) en n vootbalstadion (t Weserstadion) woer't ene van Duutslaands meest suksesvolle vootbalklubs spölt: Werder Bremen. t Grötste fabriek is van automaker Daimler.

Fotoriege[bewark | bronkode bewarken]

Oetgoande koppeling[bewark | bronkode bewarken]