Hör mal 'n beten to

Uut Wikipedia, de vrye encyklopedy
Yared Dibaba, ien van de mitwarkers an Hör mal 'n beten to

Hör mal 'n beten to (ondertitel: plattdeutsche Morgenplaudereien; ok wal: Alldagsgeschichten op Platt opgaabelt) is een radioprogramma van de Duutse zender NDR mit körte Platduutse vertellegies, dö(ö)ntjes (grappige anekdotes) en veuredragen literaire stokkies. De eerste oflevering wördden uutezunden op 3 november 1954. Sinds 3 april 1956 is 't programma onofebreuken alle wörteldagen te beluustern. 't Wördt in mekaar ezet deur de NDR Zentralredaktion Niederdeutsch vanuut Kiel. Elke uutzending duurt een paar minuten; de schrievers zölf leest heur wark veur.

Luusteraars bint drok op de weerummekerende schrievers en sprekers. Mitwarkers van 't eerste ure waren onder meer Rudolf Kinau, die 't programma ok hölp opzetten, Fritz Specht, Günter Harte en Ohnsorg-Theater-speulster en schriefster Irmgard Harder. Vandage de dag doet onder aandern Gerd Spiekermann, Jan Graf en Yared Dibaba mit.

In 2006 kreeg Hör mal 'n beten to de Nederduutse Literatuurpries van de Sleeswiek-Holstiense stad Kappeln.

Nuvola apps ksig.png Dit artikel is eschreven in 't Zuudwest-Drèents.