Haonepoot (Aegopodium podagraria)

Haonepoot of hoendepoot (Aegopodium podagraria) is een vaste plant uut de schaarmbloemefemilie (Apiaceae). 't Is een beruchte ruutsoort, umdat 't krupende, oendergroendse uutlopers het. De plant greuit op beschaoduwde plekken in hegen, tunen, baarmen op vochtige of bemeste groend. De stengels bin hol en egreufd. Haonepoten worren 60 tot 90 cm hoog.

Bloem

De bloempjes bin meestentieds wit, mar soms oek wat roze en hen een deursnee van 1 mm. Der bin vuuf kroonblaodjes mit naor binnen ekrulde punten.

Bleuiwieze

Haonepoten bleuien as samen-esteld schaarm mit 12 tot 20 straolen en der bin gien umwiendsels. De bleuitied is van mei tot augustus.

Blad

De blaojen bin drietallig bovenan en tweetallig onderan en hen een dik umhulsel.

Vrucht

Haonepoot draagt een eivormig, eribd vruchjen van 4 mm lang, waorvan de blievende stielen terug-esleugen bin en de ribben mar minnig uutsteken. De vrucht is een tweedelige splitvrucht, waorvan de roende deelvruchjes mar één zaodjen hen.

Nedersaksisch

Achterhooks:
- hanepoot, -klauw
- kreaienpoot (Vorden)
- wilde geerze*
- drieblad (Hoarle)
Drèents:
- hanepoten, haon(e)poten
- dreiblad
Grunnegs:
- hoanepoot
- heers(e)
- drijblad
- zeuvenblad
Sallaans:
- hanepoot
- herek (Hoonhorst)
- dreeblad
Stellingwarfs:
- zeuvenblad
- haenepoot

Tweants:
- dreeblad
- (bitter)riek
- hanepoot, -tred
- zeuvnblad
Veluws:
- haonepoot, hanepoot
- hoendepoot (Putten)
- tafeltjes (Niekark)
- toeterkruud (Wezep)
- wilgenkruud (Heerde)
- zègekruud (Attem)
- zeuvenblad

Commons: Haonepoot - plaatjes, filmkes en/of gelüüdsbestanden.

Disse pagina is eschreven in 't Putters