Gendringen

Uut Wikipedia, de vrye encyklopedy
De Sunte-Meertenskarke van Gendringen

Gendringen is een darp in de Liemers, gemeente Olde Iesselstreek. Tot 1 januari 2005 was Gendringen een zelfstandige gemeente. Deur de gemeentelukke herindeling bun de gemeentes Wisch en Gendringen samengevoeg tot de ni-je gemeente Olde Iesselstreek. In Gendringen steet het gemeentehuus van de veurmalige gemeente Gendringen, dat now diens dut as gemeentehuus van de gemeente Olde Iesselstreek.

Het fas aan de Duitse grens geleage Gendringen het umsgeveer 4700 inwoners. Het darp was in de middeleeuwen een vesting, deur een muur en gracht umgeave. De vrogger drassige umgeving, meteen um het darp, zal een rol in de weerbaorheid hebben gespöld. Het darp was bezit van de aartsbisschop van Keule en net als Ette in leen gegeave aan de heren van Bergh die in het kasteel Bergh in 's-Heerenbarg wonen. Het darp wed in 1830 deur een grote brand getroffe, dèn bi-jnao het hele darp vernietigde. De tegenswoordige Nederlands Hervörmde Kerk in het centrum is de opvolger van de middeleeuwse kerspelkerk dèn ok afbrien. De tegenswoordige Rooms-Katholieke Kerk in het centrum is aan het end van de negentiende eeuw gebouwd.

An de rand van Gendringen steet een van beide gemeentehuze van gemeente Olde Iesselstreek: het gemeentehuus waor de Publieksbalie is.

In de naoste contreien van Gendringen bun verschillende natuur- en recreatiegebiede, waoronder Engbergen, met theepaviljoen en de hoogste spöltuin van de Achterhook.

In Gendringen is zörgcentrum Maria Magdalena Postel (van de Stichting Verenigde Gasthuze) gevestigd. Gendringen het een moderne sporthal De Iesselweide en een atletiekbaan van atletiekvereniging Atletico ‘73. Jaorluks wordt een zeuvendarpenloop geholle.

Kermis wudt in Gendringen gevierd in het letste weekend in augustus. Weakeluks is er mark in Gendringen, op vri-jdagmiddag op het Kerkplein. In Gendringen wudt jaorluks end december een traditionele ganzenmark gehollen. Volgens aoverlevering zol de naam Gendringen verwieze nao ‘genten’, mannetjesganzen. De gent stong samen met drie ringen in het wapen van de vroggere gemeente Gendringen as verwiezing noa de naam: Gend-ringen.

Bekende luj uut Gendringen[bewark | bronkode bewarken]

Anthony Christiaan Winand Staring, dichter en schriever is in 1767 in Gendringen gebore.

Uutgoande verwiezings[bewark | bronkode bewarken]