Varsselder-Veldhunten

Uut Wikipedia, de vrye encyklopedy
Nå navigaty springen Nå söken springen

Varsselder-Veldhunten bunt twee darpen in de gemeente Olde Iesselstreek in de previnsie Gelderland in Nederland.

Varsselder hef bi-jnao 800 inwoners. Varsselder-Veldhunten steet ook wal bekend als het darp met de twee namen, wat onterecht is want het bunt toch echt twee gescheiden kernen. Varsselder wordt als buurtschap al in de 15e eeuw enuumd.

Van vrogger heer had Varsselder een verspreide bebouwing van boerderi-jen. In het begin van de 20e eeuw kreeg de buurtschap meer de status van een darp. Tot het ende van de jaren vieftig bestond Varsselder allenig uut lintbebouwing langs de Hoofdstraot met de grootste dichtheid aan beide kanten van de karke. In de zestiger jaoren vonden uutbreidingen van de bebouwing plaats aan de Vicarisweg en de Pastoor Balkstraot. Later wodden langs de Leemlandseweg en de Barghseweg ebouwd.

Het gehucht Veldhunten wordt al in de 14e eeuw in officiële papieren enuumd en is eengaals een kleine woonkern ebleven, van veural boerderi-jen. Middelpunt is sinds mensenheugnis de harbarg veurhen 't Holteren Peard', sinds 1842 café/zalencentrum 'De Zon'. Veldhunten gruujde uit van hofmark naar gildegemeenschap. De weinige boerderi-jen bevonden zich in de buurte van het 'Goed Hunten' waorvan het al genuumde café 'De Zon' het middelpunt was.

Vanaf 1989 steet Varsselder-Veldhunten op de kaarte, ok internationaal, met het Huntenpopfestival, ok wel het Pinkpop van het Oosten enuumd. In 2009 is Huntenpop verplaetst noar het Drupark bi-j de Drufabriek in Ulft.