Sillevolde

Uut Wikipedia, de vrye encyklopedy
Versierde wagen in Sillevolde met Achterhooks opschrift: 'Wi-j bunt Carnaval nog lang nie zat. Wi-j hengelen ni-je moatjes uut 't vat'. Moatjes bunt herings.

Sillevolde of Zillewold (Nederlands: Silvolde) is een darp in de gemeente Olde Iesselstreek in de previnsie Gelderland in Nederland.

Sillevolde heft ruum 5800 inwoners en hef een goeie repetatie op het gebied van onderwies (Almende College) en cultuurevenementen (Silvolde Cultuurdorp). Het darp hef een leavendig verenigingsleaven op het gebied van muziek, theater en entertainment. In Sillevolde bunt de afgelopen jaoren de Heuvelstraat en het Patrijsplein opni-j in-ericht. Samen met de bewoners is hard ewarkt um de kwaliteit van wonen in Sillevolde hoog te hoden. Korts is het appartementengebouw Bongershoek ebouwd.

In het gebied tussen Sillevolde en Terborg is in 2004 een sportcomplex verschenen, waorin particulier initiatief (een sportschole) en gemeentelek initiatief (een moderne sporthal) mekare verstarkt. De beboste heuvel kort bi-j het complex is de Paosberg, een old rivierduinencomplex, opgeweaid rond de iestied, toen hier niet de Olde Iessel, maar een veurloper van de Rien deur het gebied streumde.

Sillevolde ligt in een natuurleke umgeving. Heemtuin ‘De Anemonenkuul’ is een vroggere zandafgraving. Hier zie'j bezundere planten en laoten vlinders en vogels zich graag zien en heuren. Als bezienswaordigheid bunt de Nederlands Hervormde Karke en de Rooms-Katholieke Karke te numen. Ook de Gerritsmölle is het bezichtigen weerd. De wekkelekse markte is op donderdagmargen.

Sillevolde kent de volgende evenementen:

Sagen of legendes oaver Sillevolde[bewark | bronkode bewarken]