Gemakseten

Uut Wikipedia, de vrye encyklopedy
Hamburger

Gemakseten, gauw-klaor-eten of vullisvoer is n verzamelnaam veur eten dat gauw klaor te maken en op te dienen is. t Is meestentieds niet naor duur. t Wörden veural verkocht bie restaurants en kraampjes die der eigen daor spesiaal op ericht hebben, zo as bieveurbeeld patatzaken. A'j t over vullisvoer hebben dat geet t veural um eten mit n minne voedingsweerde, terwiel dat bie gemakseten en gauw-klaor-eten niet zo hoeft te ween.

De gemaksetensindustrie is n arg grote, winstgevende industrie, die greuit deurdat meensen steeds minder tied nemen um zelf te koken.

Veurbeelden[bewark | bronkode bewarken]

In Europese laanden en Amerika he'j as gemakseten veural friet, kroketten, frikandellen, eierballen, bamischieven, nasischieven, hamburgers, pizza's en brukjes mit gyros, döner kebab, shoarma of falafel en in Engelaand vis mit patat en eek.

In Aziatiese laanden he'j van oorsprong aandere gemaksgerechten. Zo bin der in Japan veule kraampjes waor ze sushi verkopen. Oek noedels, rieste en vleisgerechten uut onder aandere de Chinese keuken gelden in Azië as gemakseten.

In t Midden-Oosten is veural kebab populaer as gemakseten.

Uutgaonde verwiezing[bewark | bronkode bewarken]

Wikimedia Commons Commons: Gemakseten - plaatjes, filmkes en/of gelüüdsbestanden.
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.