Departement van de Olde Iessel

	Departement van de Olde Iessel
	; Lokaotsie van Departement van de Olde Iessel
Heufdstad	Zwolle
Regeringssvörm	Departement
Bestaon	1798-1801
Ontstaon uut	Heerlekheid Oaveriessel, Härtogdom Gelre, Heerlekheid Frieslaand en Laandschop Dreanthe
Op egaon in	Departement Oaveriessel, Departement Gelderlaand en Departement Frieslaand
Tääl	Nedersaksisch, Fries, Nederlaands en Frans (officieel)
Geleuf	Protestantisme, Rooms-Katholicisme, ook Joden
Muntienheid	Gulden

Het Depärtement van de Olde Iessel was een depärtement dät diel uutmääkten van de Bataofse Rippebliek. Het depärtement bestund drie jaor, van 1798 töt 1801 en de heufdstad was Zwolle.

Het depärtement wier evörmd deur het samen doen van:

het gewest Oaveriessel

het laandschop Dreanthe

het zudelik diel van het gewest Frieslaand (Zeuvenwolden)

het noordelik diel van het gewest Gelderlaand (de Veluwe)

Ook de eilaanden Urk en Schoklaand beheurden töt het depärtement.

In 1801 wier het Bataofs Gemenebest op ericht (Staotsbewind). De herindieling van 1798 wier hierbi'j weerum edraeit. Oaveriessel en Dreanthe wieren hierbi'j krek as bi'j het Oaversticht weer ien gedielte en dus bi'j mekander edaone (Depärtement Oaveriessel). In 1807 wier Dreanthe weer ampärt van het Depärtement Oaveriessel edaon. Het noordelik gedielte van Gelderlaand wördden diel van het Depärtement Gelderlaand, het zudelik gedielte van Frieslaand wördden diel van het Depärtement Frieslaand.