Fransk

Uut Wikipedie, de vrye encyklopedy
(deurestuurd vanaof "Frans")
Gao naor: navigasie, zeuk

Et fransk (in de taal selvs: français) is een romaanske taal dee voordkummen is uut et latyn. Et fransk wordt spröäken in Frankryk, Kanada (vöäral in Quebec), Belgie (vöäral Wallonie en Brüssel), Luxembörg, Monaco, Switserland, in vroggere franske kolonys en in de teagenswoordige oaverseyske gebeden van Frankryk. Ungevear 274 miljoon meansken binnen et fransk machtig, wårvan umdeby 76 miljoon modertaalspreakers.

Et fransk wykt up een grout antal punten van de andere romaanske talen of. As eyrste hevt et fransk een veargånde ofslyting van morfologiske uutgangen. Ten tweyde hevt et fransk een grout antal breakings en klankveranderings, dee al in et oldfransk vöärkwammen en in et middelfransk döärevolueerd binnen. Ten darde hevt et een licht keltiske substråt (wearumme te seen in een woord as quatre-vingt, "tachetig", letterlik "veer-twintig"; in de keltiske talen wordt der in twintigtallen teld) en een slim ingrypende germaanske, vöäral frankiske, superstråt, dat him under meyr utert in de dubbele untkennings ne ... pas, ne ... rien, ne ... personne ens.

Döärdat et fransk een geleevde taal was by de europääske elite rund de 17. tot de 19. eyw, hevt et ouk düdelike sporen nålaten in et neadersassisk en et neaderlandsk. Een pår vöärbealden dårvan binnen: duusjen (doucher), avveceren (avancer), büro (bureau), parmetåsy (parentage), nivo (niveau), toilet (toilette), begasy of pakkasy (bagage).

Uut et fransk binnen verskillende kreooltalen untstån, een vöärbeald dårvan is et haitiaansk kreoolsk.

See ouk[bewark | bronkode bewarken]

Crystal txt.png Dit artikel is nog mar n beginnechien. Help mit deur t uut te breiden.
Nuvola apps ksig.png Dit artikel is skreven in t Stellingwarfs, in de Nysassiske Skryvwyse.