Het Depärtement van de Delf was een depärtement in de Bataofse Republiek. Het bestund van 1798 töt 1801 en de heufdstad was Delft.
Het gebied wier evörmd deur het midden van het veurmälige gewest Hollaand en een stökkien van het veurmälige gewest Utrecht. De noordelike greans was de Olde Rijn en de zudelike greans waren de Lek en de Ni'je Maas.
In 1801 wieren de ni'je depärtementen weerum edaone toen het Bataofs Gemenebest (Staotsbewind) wier opericht. Het depärtement op het oosten nao kwamp in het ni'je Depärtement Hollaand terechte; het oosten kwamp bi'j het ni'je Depärtement Utrecht.
