Biejevreter

De biejevreter of sjiet-in-t-vuur (Parus major) is n zangvoegel uut de familie van de mezen (Paridae). Volwassen biejevreters bin oengeveer 14 sentimeter groot. De biejevreter het n zwarte kroen, witte wangvlekken, n gele borst en over de lengte op de borst n zwarte band. Mannetjes bin te herkennen an de dudelik brejere zwarte band. De jongere biejevreters bin wat vaoler ekleurd en mist n zwarte streep (dit verschient sarest). t Is de grootste soort, zo as de Latiense naam verraoit.

Biejevreters bin niet schuw, en eten somtieds apenoetjes uut de hand. In de breuitied eten ze veural insekten en insektenlarven. De biejevreter nestelt in boomholtes en oek vaak in nestkasjes. Zien veurkeur gaot uut naor n vlieggat dat n paor millimeter groter in deursnee is as dat van t blauwpaapjen. An t eind van de leinte en in t veurst van de zoemer wort de biejevreter seksueel aktiever, mar vanof t moment dat de dagen langer worren (21 desember) begint t mannetjen al vaker te zingen.

Biejevreters kommen in heel Europa veul veur, mar niet op Iesland. Ze kommen veural veur in bossen, parken en hofjes. Meestal standvoegel, mar in sommige jaoren kunnen groepen uut Noordoost-Europa naor Midden- en West-Europa trekken.

Biejevreters staon der um bekend dat ze doppen van melkflessen lospikken um bie de room te kunnen.

Nedersaksies

Achterhooks: schiet-in-t-vuur
Drèents:
- bijenpikkertie(n)
- bijmeesie (Zeijen), bijmies
- iemenpikkerdie, iemenpikkertie(n)
- iemensnappertien (Ni'jlusen)
- meze (ZWD, VK, ZOV), mees
Grunnegs
- blaauwmaiske
- blaauw-wintermaiske
- iembieter
- iempikkertje
- spekmaiske
Sallaands:
- biejmees, biejmeze
- bi'jmees, bi'jmeze
- bijmees, bijmeze

Stellingwarfs: pimpelmees
- baordman
- bi'j(e)bieter
- bi'jepikker
- bi'jevreter
- geelbossien
- iemenpikker, iemkepikker
- neutedoppe
Tweants:
- biejmees, biejmeze
- bi'jmees, bi'jmeze
- bijmees, bijmeze
- bi'jmeaze (Hoksebarge)