Abel Darwinkel

Abel Darwinkel (Assen, 1968) is een anfieteraor van de Drèentse streektaal, die seends 2021 directeur is van de Stellingwarver Schrieversronte. Töt in 2018 warkte e bi'j 't Huus van de Taol (eerder Stichting Drentse Taol).

Darwinkel gruuiden op in Nörg, Steenderen in de Achterhoek en Beem in Grunning. Hi'j woonden een jaor in Lyon in Fraankriek. In Stad studeerden hi'j Algemiene Literatuurwetenskoppen en Fraans. Hi'j warkten in de journalistiek en wör in 2003 mitwarker van de Stichting Drentse Taol. Dizze orgenisaosie is in 2007 mit Oeze Volk en Stichting Het Drentse Boek op-egaone in 't Huus van de Taol.

Veur RTV Drenthe prissenteert Darwinkel mit zien collega Jan Germs Jasbuus vol Drèents, een dagelijks pregramma van een minuut daorin ze andacht skenkt an 't Drèents. Darwinkel mit Germs bint boavendien streektaalfunctionaoris in Drenthe.

Darwinkel is coauteur van Moi! Taalgids Drenthe (2005) en Dialectenboek 9, Streektaal in spelletjes (2007), en skriever en samensteller van Molentaal. De meul wet van gien wieken (2007). In 2014 kwaamp Strunen in de Taoltuun uut, columns aover 't Drèents.

Hi'j stelde 't Drèentse diel samen van Op Stee, Drentse en Groninger plaatsnamen verzameld (Het Drentse Boek, 2015); 't Grunneger diel wördden verzörgd deur Eline Brontsema en Siemon Reker. In 2018 volgde 't deur Darwinkel samenestelde Drents Verkleinwoordenboek (Het Drentse Boek). In 2019 verskeen Waotertrappeln: Drèentse verhaolen bi'j Darwinkel zien eigen uutgeveri'je Bij Abel.

Schrieverije

De kleine Prins (Noordenveldse aoverzetting van Le petit Prince van Antoine de Saint-Exupéry, 2009)
Taolkiekjes uit Groningen en Drenthe (mit Siemon Reker, 2012)
Strunen in de Taoltuun (2014)
Op stee, Drentse en Groninger plaatsnamen verzameld (2015)
Drents-Gronings telwoordenboek (2017)
Drents verkleinwoordenboek (2018)
Waotertrappeln (vertellegies, 2019)

Bronnen

Abel Darwinkel, Jan Germs en H. Slot (2005), Moi! Taalgids Drenthe, Assen: In Boekvorm Uitgevers bv
Huus van de Taol aover Abel Darwinkel

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.