Siemon Reker

Oet Wikipedie, de vraaie enzyklopedie
Gao naor: navigasie, zeuk

Siemon Jan Hendrik Reker (Oethoezen, 1950) is sunt 2007 hoogleroar Grunneger Toal en Kultuur aan de Rieksuniversiteit Grunnen ien Stad. Tuzzen 1984 en 2007 was er, op initsjoatief van Provìnzie Grunnen, Grunnegs streektoalfunktionoares bie t Nedersaksisch Instituut. Hai was de eerste streektoalfunktionoares van Nederlaand. Reker is ain van de vernuimdste mìnsken dij t gebroek van t Grunnegs aanpitjen.

Reker studaaierde Nederlaands ien Stad en promoveerde doar ien 1989 op Het Groninger werkwoordsysteem en 'hoeven'. Synchrone verbale morfologie in verandering. Ien 2001 wuir e biezunder hoogleroar, ien 2007 gewoon hoogleroar Grunneger Toal en Kultuur. Bie t aanvoarden van t biezunder hoogleroarschop op 5 meert 2002 huil er de rede Vrij gelijkvormig, en allen daar door niet onäangenaam.

Reker is ain van de soamenstellers en schrievers van t Handboek Nedersaksische Taal- en Letterkunde (2008).

Schrieverij[bewark | bronkode bewarken]

  • Woordenboek Gronings-Nederlands, Nederlands-Gronings (1988)
  • Groninger Spelling (1984)
  • Omgekeerd is ook wat weerd (1985, retrogroade liest op t Grunnegs woordenbouk van Kornelis ter Laan)
  • De dichter en het Gronings, ien: Willem ten Berge, Groninger dichter. Poëzie en proza (1989)
  • "Hou is dat?" Het dialect van Groningen (1992)
  • Dikke woorden. Bikkelhaard, bragelvet, strontdeurnat en hun soortgenoten (1996)
  • Gronings (2002)
  • Kies ais hier! Brokjes taal en letteren van het Hogeland en elders in Groningen (2004)
  • Goidag! Taalgids Groningen (2005)
  • Toal (kursusbouken over t West-, Oost- en Noord-Grunnegs, drij dailen, 2005)

Wellen[bewark | bronkode bewarken]