Biejevreter

Oet Wikipedie, de vraaie enzyklopedie
Gao naor: navigasie, zeuk
Biejevreter

De biejevreter (oek wel: biejevretertjen, schiet- of sjiet-in-'t-veld; Latien: Parus major) is een zangvoegel uut de femilie van de Paridae. Volwassen biejevreters bin oengeveer 14 centimeter groot. De biejevreter het een zwarte kruun, witte wangvlekken, een gele borst en over de lengte op de borst een zwarte band. Mannetjes bin te herkennen an de dudelijk brejere zwarte band. De jongere biejevreters bin wat vaoler ekleurd en mist een zwarte streep (dit verschient 's harests). 't Is de grootste soort, zoas de Latiense naam verraot.

Biejevreters bin niet schuw, en eten soms apenoetjes uut de hand. In de breuitied eten ze veurnamelijk insecten en insectenlarven. De biejevreter nestelt in boomholtes en oek vaak in nestkasjes. Zien veurkeur gaot uut naor een vlieggat dat een paor millimeter groter in deursnee is as dat van 't blauwe paapjen. An 't eind van de leinte en in 't begin van de zoemer wort de biejevreter seksueel actiever, mar vanof 't mement dat de dagen langer worren (21 december) begint 't mannetjen al vaker te zingen.

Biejevreters bin vrie algemeen en kommen in grote getallen in heel Europa veur (mit uutzondering van Iesland). Ze kommen veural veur in bossen, parken en tunen. Meestentieds standvoegel, mar in sommige jaoren kunnen groepen uut Noordoost-Europa naor Midden- en West-Europa trekken.

Biejevreters staon der um bekend dat ze doppen van melkflessen lospikken um bie de room te kunnen.

Nedersaksisch[bewark | bronkode bewarken]

Foto-uutstalling[bewark | bronkode bewarken]

Uutgaonde verwiezingen[bewark | bronkode bewarken]

Wikimedia Commons Commons: Biejevreter - plaetjes, filmkes en/of geluudsbestaanden.
Nuvola apps ksig.png Disse pagina is eschreven in 't Putters