Zujelijk halfroend

Oet Wikipedie, de vraaie enzyklopedie
Gao naor: navigasie, zeuk
De eerde van 't zujen

't Zujelijk halfroend is 't gedeelte van de eerde in 't zujen van de evenaar.

De twee continenten die geheel op 't zujelijke halfroend liggen bin Australië en Antarctica. Zuud-Amerika en Afrika liggen allebei gedeeltelijk op 't zujelijk halfroend. 't Grootste gedeelte van de oppervlakte wort in-eneumen deur oceanen; disse maken een anzienlijk groter deel uut van de totaole oppervlakte as op 't noordelijk halfroend.

Deur de kanteling van de eerdas bin de seizoenen op 't zujelijk halfroend tegen-esteld an die op 't noordelijk halfroend. Vanof um en naobie 23 september, wanneer de zon recht boven de evenaar staot (equinox) beweegt disse schienbaor steeds veerder naor 't zujen, tot hie op ± 22 december boven de Steenbokskeerkring staot. Disse dag is in 't zujen hiervan de langste dag van 't jaor, en betekent 't begin van de zoemer op 't zujelijk halfroend. Roend 20 meert staot de zon opniej boven de evenaar en begint op 't zujelijk halfroend de haarfst.

In tegenstelling tot op 't noordelijk halfroend staot de zon (behalven in 't gebied tussen de evenaar en de Steenbokskeerkring, wanneer 't zoemer is) roend 't mirreguur altied in 't noorden, en disse beweegt dus schienbaor van rechts naor links gedurende de dag.

Waor op 't noordelijk halfroend de Poolster as oriëntaotiepunt gebruukt kan worren, is disse niet te zien op 't zujelijk halfroend. Hier bin enkele steernsbeelden te zien die krek in 't noorden niet of krap-an te zien bin, bieveurbeeld 't zujerkruus.

Nuvola apps ksig.png Disse pagina is eschreven in 't Putters