Zuderzee

Oet Wikipedie, de vraaie enzyklopedie
Gao naor: navigasie, zeuk
Plan Lely mit de Ofsluutdiek en dreugleggingen

De Zuderzee was de naam van de grote binnenzee die, tot de sluting van de Ofsluutdiek (1932), lag op de plekke van wat noe 't Iesselmeer is. Nao 't gereedkommen van de Ofsluutdiek wörden 't waoter Iesselmeer eneumd, naor de revier de Iessel die derin uutmondt.

De Zuderzee ontstong in de loop van de middeleeuwen uut een merencomplex dät in de Romeinse tied al bekend stong as Flevo Lacus (Flevomeer). De soms woeste binnenzee was zowel een vleuk as een zegen veur de bewoners van 't umliggende laand. Verschillende waotersnoden tröffen de umliggende gebieden.

Haandelsschepen bevoeren de zee; havensteden as Kampen en Harderwiek beheuren tot de Hanze, en via de Zuderzee voeren VOC-schepen naor Hoorn en Amsterdam. Ok wörden der volop evist. In 1900, toe de Zuderzeevisserieje op heur hoogtepunt was, wörden der zo'n 3000 platbodems actief waormee evist wörden op hering, ansjovis, paoling, bot en gernaolen.

Nedersaksisch[bewark | bronkode bewarken]