Woold (buurtschop)
Et Woold is ne buurtschop in de gemeente Wenterswiek, in de Nederlandse previnsie Gelderlaand. Et kenden in 2003 rundumme 891 inwonners, verdeald oaver ruum 24 km². Et wöd deur de greutte soms ok ezene as gehucht of zelfs darp, moar de plaatse völt formeel under Wenterswiek. Mangsmoal wöd et postadres eschreaven as Wenterswiek-Woold.
Woold is zuud-oostelek eleagen van Wenterswiek, in n bosriek gebeed teggen de grenze mit Duutslaand. Doar löp ok nen weg den dreks noar de stad Bocholt in Duutslaand geet. In et Woold is doar gene echte ruulverkaveling ewest, woardeur de boern allemoale nog de olde en kleinere stukskes laand hebt. Noast bos en laandbouw kent et Woold ok n veanegebeed: et Wooldse Veane.
Woold kent n stark vereanigingsleaven, belangrieke veurzeningen bunt der ok te vinden zoas ne basisskole, twee kafé-restaurants en ne kamping.
| Gemeente Wenterswiek |  | |||||
|---|---|---|---|---|---|---|
|