Kolle
Kolle is ne buurtschop in de gemeente Wenterswiek, in den Achterhook in de Nederlandse previnsie Gelderlaand. Wat inwonners betröf is Kolle de kleinste noaberschop van de negen noaberschoppen in de gemeente met rundumme 258 inwonners. Kolle hef ne oppervlaakte van ruum 8 km².
Kolle geneet enige bekandheid deur et vaenegebeed Kollenbargervene. Kolle grenst an Vroagender (gemeente Oost Gelre (veurhen Lechtenvoorde)) en ok an Breevoort. Et centraole ontmoetingspunte van de noaberschop is et café. Elk joar is der in Kolle n volksfeest, woarbi-j et köningsscheten ne tradisie is. Wieters hef de noaberschop samen mit de angrenzende noaberschop Miste den voetbalklub MEC en kent et sinds et begin van de eenentwintigste eeuwe ok nen kleinen camping.
Tot halverwaege de twintigste eeuwe bestond de noaberschop veural uut boerderi-jen. Noe is et antal boerderi-jen kleiner, moar de boerderi-jen dee-t der nog stoat, bunt mangsmoal groot. Wieters is der n tröpken tundersbedrieve bi-jekommen.
| Gemeente Wenterswiek |  | |||||
|---|---|---|---|---|---|---|
|