Huppel
Huppel is een buurtschop in de gemeente Wenterswiek, in den Achterhook in de Nederlaandse previnsie Gelderlaand. Huppel wödt mangsmoal samen eneumd mit et noast elaegen Henxel. Samen hebt dee noaberschoppen rundumme 750 inwonners en ne oppervlaakte van 17 km².
Huppel ligt noordelek van et darp Wenterswiek, in de richting van Meddo. Huppel en Henxel deelt een antal veurzeeningen, zoas de peuterskole. Beide noaberschoppen hebt wal ne eigen basisskole. Winkels of aandere koopleu bunt in beide noaberschoppen neet anwaezig woardeur de bewonners bunt anewaezen op veurzeeningen in den umrengende plaetse. Wal bunt doar twee zalencentra bi-j de campings in Henxel, woardeur een antal aktiviteiten toch organisierd kunt wödden in de 'eigen' plaatse. Ok de skooln wodt ebruukt deur et bleujende veraenigingslaeven.
Vrögger laefden de leu veural van den laandbouw moar noe is et meer gebruukt as laendelek wongebeed. Dankzi-j de boerderi-jsplitsing keert veule vort egoane gezinnen weerumme.
| Gemeente Wenterswiek |  | |||||
|---|---|---|---|---|---|---|
|