Willem Tjebbe Oostenbrink

Uut Wikipedia, de vrye encyklopedy
Nå navigaty springen Nå söken springen

Willem Tjebbe Oostenbrink (Gruupskerk, 1963) is n Grunneger dichter en schriever ien t Grunnegs en Nederlaands.

Oostenbrink is geboren op n boerderij ien t grinslaand tussen Visvliet en Gruupskerk. Hij woont ien Zuudhörn en warkt as projectleider veur gebiedsontwikkeleng. Ien 2007, bie weeromkomst ien t Westerkertier, begon er ien t Grunnegs te schrieven. Leven op t plattelaand vormt een inspiroatiebron, mit thema's as grond en grinslaand, laandschap en minselk streven, watst mit die mitdragst en watst achterloatst.

Zien gedichten hebben stoan ien tiedschriften as Krödde, Toal en Taiken, Roet, Diesel, Oeze Volk/Maandewark, Noachs kat en Ensafh, asok ien verzoamelbundels en bloemlezengen. Met zien gedichten won hij Nedersaksische priezen as de Freudenthal Aanmoedegengspries veur nije Nedersaksische literatuur (2010), de Klaus-Groth-Pries (tweede ploats, 2011), de Borsla-Pries (2014) en de Johann-Friedrich-Dirks-Pries (2017). Zien dichtbundel Opdreugde troanen wer nomineerd veur de Dagblad van het Noorden Streektaalpries (2013).

Regelmoatig is Oostenbrink op noordelijke literaire podia te vinden. Ook organiseert er workshops over creativiteit en conceptueel denken. Gedichten van hum bennen ien t laandschap verschenen: op t monumint 'de Fochtel' (Fochteloërveen, omtoald ien t Stellingwarfs) en op n plakette 'Over laand en licht' (Grodegast).

Waark van Oostenbrink het stoan ien Wat mörn komt: Neie Grunneger gedichten en verhoalen (2011), Moest lezen: t Westerkertier verbeeld (2011), Dichters in de Prinsentuin (2011), Oetzicht (2012) en Gemeente Grijpskerk: n omzien verbreed (2012).

Zulfstandige publikoaties[bewark | bronkode bewarken]

  • Opdreugde troanen (gedichten, Philip Elchers Grunnengen, 2013)
  • Zolt en Stof (gedichten, Vliedorp, 2017)

Wellen[bewark | bronkode bewarken]