Zuudhörn

Uut Wikipedie, de vrye encyklopedy
Naar navigatie springen Naar zoeken springen
Gemeynde Zuudhörn
Vlagge van de gemeynde Zuudhörn Wåpen van de gemeynde Zuudhörn
(Vlagge van Zuudhörn) (Wåpen van Zuudhörn)
Lokaty van de gemeynde Zuudhörn
Lokaty van de gemeynde Zuudhörn
Informaty
Provincy Grunneng
Höyvdplaatse Zuudhörn
Geografy en bevolking
Uppervlakde
 - Land
 - Water
128,37 km²
125,6 km²
2,76 km²
Inwoaner
Bevolkingsdichtde
18.501 (1 augustus 2006)
147 inw./km²
Koordinåten 53° 15′ N, 6° 24′ OKoördinaoten: 53° 15′ N, 6° 24′ O
Oaverig
Belangryke weagen N355 (Friesestraatweg)
Netnummer 050, 0594
Postkoden 9800-9809, 9830-9849, 9880-9889
Officiele websteade www.zuidhorn.nl

Zuudhörn (Nederlaands: Zuidhorn) is n loug en gemainte ien provìnzie Grunneng in Nederlaand.

De hudege gemainte ontstond op 1 jannewoari 1990 deur t soamenvoegen van de vaaier gemaintes Auwerd, Gruupskerk, Ollehoof en Zuudhörn. Dizze vaaier gemaintes binnen nog trug te zain in de gemaintvlag, woarbie de vaaier greune 'zwoanen' stoan veur de vaaier vermoalege gemaintes. De gemainte is onderdiel van t COROP-gebied Overg Grunnen.

De gemainte moakt geogroafisch en ekonomisch diel oet van t Westerkwartaaier en was oorspronkeliek veuraal op de laandbaauw richt. Deur de aansloeteng op de wegverbindeng (N355) en trainverbindeng tuzzen t Stad en Leewerd, de tounomen automobiliteit, t oafnemen van t aantel arbaidsploatsen in de laandbaauw en t deur de provìnzie aanwiezen van t dörp Zuudhörn as gruikeern (noa 1960) wuir de gemainte aal meer n forensengemainte veural op t Stad richten. t Dörp Zuudhörn is doardeur relatief veul staarker gruid as de andere keerns binnen t gebied en de bevolkeng is der relatief zain hoger oplaaiden. Zuudhörn is n relatief welvoarende gemainte, mede deurdat der n eerdgasveld en n geschikte grondloag veur de opslag van dit gas aantroffen is ten noorden van t loug Gruupskerk, wat aanlaaideng was veur de NAM veur de exploitoatsie van dit veld en de ploatseng van n opslagstee veur t opvangen van körte pieken ien t gasverbruuk.

Binnen de hudege gemainte liggen de olle kultuurlaandskoppen Middag en Homsterlaand, ook wel soamen nuimd as Middag-Homsterlaand. Dit gebied ligt rond en boven t dörp Ollehoof en is t oldste kultuurlaandskop van West-Europa.

Iendieleng[bewark | bronkode bewarken]

De gemainte Zuudhörn omvat ook de volgende ploatsen en stadspaarten: Aalsum, Auwerd, Balmahoezen, Barnwerd, Bril, De Kampen, De Povvert, De Roegeweerd, n Ham, n Hörn, Daipswal, Elektra, Englum, Fraansum, Frytum, Gaaikemadiek, Gaaikemaweer, Goarkeuken, Gruupskerk, Heereboeren, t Houkje, Hoogemij, Ikum, Kenwerd, Kievitsboeren, Kommerziel, Korhörn, Legemij, Lammerboeren, Laauwerziel, Nijhoof, Nijklap, Nijziel, Noorderboeren, Noordhörn, Noordhörnergo, Noordhörnertolriggel, Okswerd, Ollehoof, Pama, Paiderziel, t Roegzaand, Soaksum, Selwerd, Spanjoardsdiek, Staintil, Viskvliet, Wierumerschaauw (gedailteliek).

Loug Zuudhörn[bewark | bronkode bewarken]

Zuudhörn en t noordelieker legen Noordhörn binnen rond 1592 ontstoan ien n gebied woar de zee aleer oaf en toe over t laand kwam en vruchtboar slib oafzette. Van baaide lougen ligt de keern op n zaandrog van om en bie 4 kilometer, dij t leven hier meugeliek moek. t Dörp wuir geleideliek aan n vestegengsploats veur renteniernde welstelde boern. Zo wuiren ien en rond de ploats 3 börgen baauwd: de Jellemabörg, Klinkemabörg en Hanckemabörg. De letste börg dij oafbroken wuir was de Hanckemabörg om en bie 1878. Van dizze börg is allend t skathoes overbleven, wat ien 1965 herbaauwd wuir. De omtrekken van de börg binnen ien 1993 in de omgeveng aangeven deur de Historische Kring Zuudhörn. Dizze börg het laange tied t gezicht van t loug bepoald en t woapen van de femilie Hanckema was tot de gemaintelieke heriendeleng van 1990 ook t woapen van t dörp en gemainte. Dizze femilie wordt noameliek verantwoordeliek holden veur de stichteng van t loug.

Openboar Vervoer[bewark | bronkode bewarken]

De gemainte Zuudhorn ligt sunt 1866 aan de spoorlien Grunneng-Leewerd, mit stations in Zuudhörn en Gruupskerk. Buslienen in de gemainte binnen:

  • lijn 11: Grunneng-Grunneng Zernike-Zuudhörn
  • lijn 30: Zuudhörn-Noordhörn-Nieziel-Gruupskerk-Viskvliet-Boerum-Munkeziel
  • lijn 32: Zuudhörn-Noordhörn-Nijziel-Kommerziel-Munkeziel-Kölme
  • lijn 35: Grunneng-Auwerd-n Ham-Ollehoof-Winzum
  • lijn 39: Grunneng-Zuudhörn-Grodegast-Sebaldeboeren
  • lijn 637: Grunneng-Zuudhörn-Noordhörn-Nijziel-Gruupskerk-Kommerziel-Munkeziel (scholiernlien)

Zetelverdieleng gemainteroad[bewark | bronkode bewarken]

Hinwiezen[bewark | bronkode bewarken]

Hanckemaborg

Nuvola apps ksig.png Schreven ien t Westerkwartaaiers