Veengoot

Den Veangoate is ne kleine rivier in den Achterhook. Den Veangoate hevt synen öärsprung net ten süden van Lechtenvoorde. Hee ströymt globål in noordwestelike richting. Hee kümt kört langs Harreveld, Marienvelde (Achtersöwwent), den Veldhook en Vorden. Den Veangoate löpt gerüüme tyd evenwydig an de Båkske Bekke. Net ten noorden van Wichmond kümmet beide bekken såmen. Vanaf Wichmond gåt de twey såmenevöögde bekken wyder as de Båkske Bekke. Disse mündet eynige kilomeaters wyder in den Yssel uut. Vanaf et såmenströympünt begint ouk et Ströymkanål van Hackfort dat - as de Båkske Bekke et ankan - sörget vöär ekstra afwåtering når den Yssel.

Den Veengoate löpt döär de gemeynden Aalten, Oust Gelre, Berkelland en Bronkhorst.

Den wåterstand in et gebeed wördt ereguleerd döär et Wåterskap Ryn en Yssel. Tüsken 1926 en 1940 wearen der as warkverskaffing verskeydene projekten uutevöörd um den wåteroaverlast in den winter en den sommer to beparken. De afvöörkapaciteit van souwal de Båkske Bekke as den Veangoate wyren vergröäted en vöäle sekundaire wåterloupen in et gebeed wearen verruumd en uutedeped.

De meyst evangene vissöyrten bünt ruisfurne, blankfurne, kolblei, snook, seelt, bråsem, riviergrundel, bårs, skubkarper.

De geskydenis en geografy van den Veengout

Dit artikel is eskreaven in et achterhooksk.