David Hartsema

David Hartsema mit Lenny Kuhr, nao die heur aoverwinning op 't Eurovisiesongfestival 1969.

David Hartsema (Zoltkamp, Grunning, 11 febrewari 1925 - Laauwersoog, Grunning, 14 febrewari 2009) was een Nederlaandse dichter, schriever en bieldende keunstener. Hij was in de jaoren vieftig ien van de bijdragers an Nedersaksisch literair tiedschrift 't Swieniegeltje.

Hartsema schreef zo'n 900 gedichten en liedteksten in 't Grunnings, Fries, Nederlaands, Fraans en Engels. Veur de RONO dreug e bij an 't cabaretpergramme 'Wat anners', wat der toe leidde det e lange tied de vaste tekstschriever wördden van de Grunninger zangeres Lianne Abeln. In 1985 kregen zij mit 'n beiden de eerste K. ter Laan Pries veur heur hiele wark.

Ok was Hartsema de schriever van 't lied 'De troubadour', daor as Lenny Kuhr in 1969 samen mit drei aandere zangeressen 't Eurovisiesongfestival mit wun.

In 1990 verscheen van hum De meesterdief uit de Wouden. Verhalen uit het oude Friesland.

Dit artikel is eschreven in 't Zuudwest-Drèents.