Triooo

Triooo was ne muziekgroepe oet Eanske en Hengel, in Tweante. Zo as öaren naamn al dee vermoodn begun Triooo met dree man. Seend 1998 warn ze met n veern. Zelf zeadn ze op öare webstea oaver de saamnstelling: "iej nemt r twee oet 'Enschede' en doot krek zo oet 'Hengelo', dan krie'j TRIOOO."

Ze zungn meesttieds in t Tweants. Det kon eegn woark wean, mear ook vertaalde bestoande nommers, of meziek op teksn van Willem Wilmink, Theo Vossenbeld, Sebastiaan Roes.

Geskiedenisse

Um Peenkstern in 1991, tiedns wat ouwehoern gedoernde ne korte vekaansie in de Belgiese Ardenn besleutn de dree kearls um n versken op te nemn, espöld op n poar estemde beerfleskes: "Bennie". Umdet één versken wat weainig was, bedachn ze dr nog n antal bie.

Seend dee tied hebt ze verskeaidene dinge doan: toern met de Höllenboer, met Jan Ottink & De Hemel en de ofsloeting van t Amsterdamse Kleinkunstfestival.

Leedn

• René Vrieler (1953 - 2013)
• Harm Braam
• Fred van de Ven (1950 - 2020)
• Henk van de Wetering

Plaatnriege

• Triooo - Zo Dan! (1997)
• Triooo - Op nen dag (2005)

Oetgoande koppeling

• www.triooo.nl
• Triooo - Bennie (clip) Op Youtube