Sebastiaan Roes
Johannes Sebastiaan Lodewijk Andreas Wilhelmus Bernardus (Sebastiaan) Roes (Grolle, 1971) is een Achterhookse dichter, schriever en hoogleraar. Hee studeren middeleeuwse geschiedenis en notarieel recht an de Katholieke Universiteit Nijmegen (vandage de Radboud Universiteit). In 2006 promoveren hee cum laude tot doctor in de rechtsgeleerdheid. Rechtevoort wont hee in Nimwaege, waor hee warkt as hoogleraar bi-j 't Centrum voor Notarieel Recht van de Radboud Universiteit.
In 't Achterhooks van Grolle verschenen zien dichtbundels Teurslaegers en rasterpäöle (2000), Afscheid van Grolle (2003) en Dreestramp (2005). In 2006 kwam in de Silvox Schrievers Serie zien luusterverzamel-cd Beugewark oet.
In 2009 verscheen van Roes bi-j oetgeveri-je Fagus Arfgood. Verzamelde gedichten, mit 145 gedichten, waoronder 30 ni-je, en 'n veurwoord deur Herman Finkers. 't Gedicht "Oldern" daoroet worden openommen in De eerste bloemlezing van de Nederlandse poëzie - 101 gedichten uit het Koninkrijk van 1945 tot nu (Querido, 2022, onder redactie van Tsead Bruinja). In 2022 verscheen, ook bi-j Fagus, de bundel Naowas: dichterischer Nachwuchs. Roes schreef daorovver: "Nao mienen verzamelbundel Arfgood. Verzamelde gedichten van awweer nen heeln zet elaene (Fagus, Nestiezern 2009), kweemp der zo af en too nog ’n gedicht oet de penne, maor ’t wazzen der neet zovölle en ’t heel dus neet aover. I-j zollen dat mienen ‘dichterischen Nachwuchs’ neumen können – mienen ‘dichterleken naowas’."
In 2010 publiceren de Valkhof Pers Roes zien Cultura animi. Een pleidooi voor veredeling van de ziel.
Roes hef ook actief west as verhalenschriever, sprekker en vertaler.