Fred van de Ven

Fred van de Ven (Hengel, 14. april 1949 - dår, 24. määrt 2020) was nen kunstenmaker, musikant, skryver un dichter uut et twentske Hengel. Üm de kost to verdenen was he lecht- en gelüüdsman by teater Concordia in Eanske. Tüsken 2008 un 2010 was hee den eyrsten stadsdichter van Hengel, wåroaver hee meyr as hunderd gedichten skreav. Dat dea hee in et neaderlandsk un neadersassisk, un soudöänig dat he se ouk singen kun. Van de Ven had al de verkeyrde kwåle (lungkanker), mär COVID-19 drukkeden em in 2020 oaver de rande. Up den 24. määrt van dat jår küm hee uut de tyd, as den eyrsten koronadouden van Twente.

By leaven dea Van de Ven vöäle uptreaden med syne musikgrupe Triooo, wåras hee sanger was un de meyste teksten skreav. Med syne vrouwe, Yvonne Eikenaar was he deyl van de sanggrupe Sansan. Van de Ven skreav ouk regelmåtig in et twentske literäre blad De Nieje Tied.

Vöärbeald

Hyrunder en vöärbeald van Bennie, eyne van Van de Vens bekendere nummers:

Kön iej oe wa
kön iej oe nich
veursteln?
Wat of et is, veur n vent
um te stoan in disn bend?
Kön iej oe wa
kön iej oe nich
vöärsteln?
Ken iej Bennie wa
Ken iej Bennie nich
van gezich?
Hee wol zo geern bie oons spöln
hee kon lang zo plat nich luln
ha'k a wa dach
ha'k a wa zeen
dat he gung.
Joa wat meant n dokter?

Y müt et mär weaten

• Eyne van syne beste möäge un groute vöärbeald was skryver un dichter Willem Wilmink uut Eanske. Den skreav et gedicht Cowboy Fred vöär em do as he 50 wör.