t Jachthuus

Uut Wikipedie, de vrye encyklopedy
Naar navigatie springen Naar zoeken springen
t Jachthuus Luttn, ca. 1920

t Jachthuus was oorsprunkelik n logement dat deur mr. H. van Sonsbeek, commissaris van Kanaalmaatschappij Dedemsvoart, in Luttn ebouwd wördden rond 1840.

Onderkommen veur scheepsjagers[bewark | bronkode bewarken]

t Jachthuus in Luttn was in die tied veurnamelik n logement veur scheepsjagers. t Kenaal de Dedemsvoart was net egraven en de törf mus of-evoerd wörden mit kleine scheepies en törfbokken. Veur t vervoer noar Zwolle mussen de schepen deur scheepsjagers deur t kenaal etrökken worden. De jagers overnachtten meestal in t Jachthuus, woar ze ok de peerden könden stallen en voeren. De name hef dus niks mit de jacht op prooidieren te maken.

Hotel-Café-Resterant[bewark | bronkode bewarken]

Begun 1900 kreeg t Jachthuus de deftige name "Hotel-Café-Restaurant Het Jachthuis". Toen de tram gung rieden tussen Coevern en Zwolle, kwamen onder aandere nogal wat handelsreizigers uut de stad noar t plattelaand en de toenmoalige eigenaar van t logement was slim genog um hiervan te profiteren umdat de tram bi'j hum veur de deure stopten. Op zolder wördden n paar kamerties of-etimmerd en de gelagkamer wat moderniseerd. Toen later de tramlien op Hiemse wörden an-esleuten, gungen de zaken alsmaar beter.

Uutvoerings[bewark | bronkode bewarken]

Noa de Tweede Wereldoorlog kwam der een zaal bi'j en könden plaselike verenigings zoas de zangvereniging en de padvinders hier heur joarlikse uutvoerings geven. De vrouw van de ni'je eigenaar speulen op de piano.

Veurmalige Jachthuus now (2012)
Nuvola apps ksig.png Dit artikel is eskreaven in et sallandsk.