Steyngrove van Wenters

De Steyngrove van Wenters is nen dagbouwgrove by Ratum, Wenters wår kalksteyn uut de Muschelkalkformaty (240-236 miljoon jår eleaden) wördet ewönnen. De grove is aktiv sinds 1932 en is teggenswoordig eigendomme van Sibelco (wördet gebruked döär öäre underneaminge NV Winterswijkse Steen- en Kalkgroeve). De Muschelkalkformaty uut et Trias kümmet hyr (so good as) an de uppervlakde, de ewünnene steyne wördet verwarked as kalksteyne en dårnevven kümmet verskeidene mineralen vöär, so as markasit, galenit, kalcit en pyrit. Ouk bint der wat fossilen en poutafdrükke en botresten (van den Nothosaurus) van sauriers evunden. De oustelike grove is neet meyr in gebruuk en is nu nen natuurgebeed.

Dit artikel is eskreaven in et achterhookske dialekt van Wenters, in de Nysassiske Skryvwyse.