Snee

Uut Wikipedia, de vrye encyklopedy
Nå navigaty springen Nå söken springen
Sney in een weiland
Sney in de boumen
Sneyskuver

Sney is een förm van neaderslag dat besteyt uut yskristallen. Sney kümt in Neaderland neet so heyl vake in vöär. Der vöylt emiddeld up ungevear dartig dagen de jår snee, mar heyl wat jåren gåt vöärby sunder dat der vöäle sney vöylt. In Noord-Europa vöylt der altyd vöäl meyr sney en oaver een langere tyd.

Untstån[bewark | bronkode bewarken]

As de temperatuur vlügge under et vreespünt geyt, veranderen de pypkleine waterdroppels van de wolken in heyle fyne ysnöäldjens. As disse nöäldjens ümmeneadervallet dan blyvet se kleaven an stofdealtjens (sandkorrels, röäk- of askdealtjens) dee in de lücht sweaver. Hyrdöär förmet kristallen, sneystearns. Disse stearns künnet verskillende förmen hebben, mar se binnen altyd sespüntig.

As et wäit, klittet de sneystearns up weg når de aerde samen en förmen een vlokke. So een vlokke besteyt uut wat ts en yselig vöäle lücht tüsken de ysnöäldjens. Y künnen et seen as een küssen vol vearen mid lücht dertüsken. Vlokken binnen unreagelmåtig, klein of groyt, mar as et windstille is, dwarrelet se söötjens an ümmeneader.

Oaverlast[bewark | bronkode bewarken]

Sney kan vöär heyl wat oaverlast sörgen neet alleynig döär gladheid mar vöäral by natte sney kan et ouk vöär vermindering van et sicht sörgen. By swåre sneyval is et sicht minder as 500 meater, vergelykbår mid mist. Vöäral de eyrste sney van et seisoon of blotske sneybüien leaveret problemen up. By periodes mid herholdelike sney en winterske büien is de weggebruker der an ewend en pas et verkeer sik an.

Sney veroorsaakt de groutste problemen as de neaderslag vöylt by vorst, vöäral by måtige töt strenge vorst. As et dan ouk hard geet wäien, stuuvt de sney up en untståt der sneydünen. As der sney verwachet wörden by windkracht sesse of söävene geavt et KNMI een weaderalarm uut vöär sneyjacht. By windkracht achte of meyr en sney geldt een weaderalarm vöär een sneystorm. Ouk by anholdende swåre sneyval mid up groute skåle meyr as vyv centimeater de ure en een varske sneylåge van te minsten vyv en een halve centimeater wörden een weaderalarm uut-egeaven. Dit is gevårlik vöär et verkeyr en is tot groute oaverlast. Sney self is neet glad, mar wörden döär et verkeyr töt glad ys ereyden. Sney kün y vordhalen mid een sneysküppe of up groyte skåle mid een sneyskuver of döär et ströien van solt.

Neadersassisk[bewark | bronkode bewarken]


Wikimedia Commons Commons: Snee - plaetjes, filmkes en/of geluudsbestaanden.