Riesn-Hooltn

	Gemaente Riessen-Hoolten
(Vlagge van Riessen-Hoolten)	(Waopen van Riessen-Hoolten)
	; Lokatie van de gemeante Riessen-Hoolten
	Informasie
Proveensie	Oaweriessel
Heufdplaatse	Riessen
	Geografie en bevolking
Öppervlakte; - Laand; - Water	94,40 km²; 94,18 km²; 0,22 km²
Inwonners; Bevolkingsdichtheid	38.178 (1 jannewoari 2020); 405 inw./km²
Koordinaten	52° 18′ N, 6° 31′ O Koördinaoten: 52° 18′ N, 6° 31′ O
	Aoverig
Belangrieke verkeersaoders	A1, N332, N344, N347, N350; spoorliene Deawenter-Almelo
Netnummer	0548
Postkode	7450-7469
	Offisiële webstie www.rijssen-holten.nl

Riessen-Hoolten (Hollaands: Rijssen-Holten) is ne gemeente in de Nederlaandse proveensie Oaweriessel. 2012 wör Riessen-Hoolten keuzen as "Wandelgemeente van het Jaar". Et is töt 2024 de ennigste officiële tweetalig Nederlaands-Nedersaksische gemeente van Nederlaand.

Geografie[bewark | bronkode bewarken]

Riessen-Hoolten ligt deels in Tweante en deels in Sallaand. Hoolten en bieheurende dörpe Splo en Diekerhook ligt van ooldsher in Sallaand, Riessen in Tweante. In 2001 wörden de vuurmoalige gemeenten Hoolten en Riessen bie mekander edoan tot ene gemeente met as woarknaam Riessen. Op 15 meert 2003 wör den naam veraanderd in Riessen-Hoolten. Op 1 jannewoari 2020 har et 38.178 inwonners (bron: CBS) op ne öppervlakte van 94,40 km². De vuurmoalige gemeente Hoolten was wat oppervlak angeet ongevear dree moal zo groot as Riessen, mear der wonen dreemoal zo weinig leu. De gemeente Riessen-Hoolten is deel van de plusregio Regio Tweante.

Politiek en geleuf[bewark | bronkode bewarken]

In Riessen zitt tientallen karken en krek zovölle denominaties, van vuurnamelik protestaantse leu. De SGP-anhang is der van oldsher vriej groot.

De bevolking van Hoolten is juust wat karksheid angeet minder orthodox. Ze organiseert der alle joaren nen karnavalsoptocht en der is ne lecht Roomse mearderheid. Bie et samengoan van disse beide plaatsen gung dan ook neet oaveral de vlagge oet. De inwonners van zowel Hoolten as van Riessen mosten niks weten van de fusie.

Kerne[bewark | bronkode bewarken]

De gemeente Riesn-Hooltn hef tien officiële kerne. Heufdkernen zint stad Riessen en doarp Hoolten. De meeste kerne ligt in de gemeente Hoolten.

Inwonners per wonkern,
1 januari 2006
Plaatsnaam	Inwonners
Riesn	27.760
Hooltn	8.450
Splo	370
Totaal	36.580
Bron: CBS ^[1]

Oawerige offisjele noabersköppe (inwonners beent al met-eteld in de boawnstoande CBS-ciefers): Beuseboarg, Neerdoarp, Diekerhook, de Borkeld, Look, Hoolterboarg, Holterbrook en Lechnboarg.

Verkeer en vervoer[bewark | bronkode bewarken]

Riesn en Hooltn lignt an de rieksweg A1 en wörd eenmoal in t uur (in de spitsperiode tweemoal in t uur) per richting bezocht duur n stoptrein Deawnter - Almelo. De gemeente hef twee stations binnen öare greanzn: station Riessen en station Hoolten.

Media[bewark | bronkode bewarken]

In Riessen-Hooltn zitt verskeaidene lokale media. Duur de hele gemeente is Radio 350 te heuren op de 92.3 FM (104.1 FM op 'n kabel en 104.6 op 'n glasvezel). Zee richtet zik vuural op informatie, kultuur en oonderwies. Wat kranten angeet mut Riessen-Holten et hebben van et Hart van Rijssen-Holten, De Week van Rijssen en HoltenExtra.