Regiolect

Uut Wikipedia, de vrye encyklopedy

't Woord regiolect (een kofferwoord van regio en dialect) wört gebruukt um te verwiezen naor een täälkundige variëteit die stärk op een overkoepelende standardtääl liekt, mär kenmärken ef van de pläselijke en regionale variëteiten van 't täälgebied. Regiolecten dienen as een regionaal communicasiemiddel in gevallen waorin een pläselijke variëteit - vanwegen de verstaonbääreid, täälbe-eersing of sociale acceptasie - niet as communicasiemiddel gebruukt wört. Regiolect komp ook veur as 't gebruuk van een niet-regionaal ekleurde standardtääl gien optie is, óf umdat de sprekers die niet goed be-eersen, óf umdat ze der regionale identiteit benaodrukken willen.

In Nederlaans-Limburg nemp de variasie in de pläselijke dialecten of en nemp een Limburgs regiolect de functies daorvan langzämeraand over. Daor is dan ook, veural in de steden, vule verzet tegen dit preces, en ze doen väke pogingen de dialectwoordenschat in leven te ollen. In gebieden waor de dialectvariasie nog groter is, bi'jveurbeeld Belgisch-Limburg, wört de vörming van een regiolect daor tevule deur e-inderd, en gebruken ze de standardtääl in de communicasie mit sprekers van een aander dialect.

't Standardfries is ook een goed veurbeeld van een regiolect, umdat pläselijke dialectverschillen der niet zovule in veurkomen.

Disse pagina is eskreven in 't Gällemunigers