Pierre Bonnard

Uut Wikipedia, de vrye encyklopedy
Naar navigatie springen Naar zoeken springen
Pierre Bonnard

Pierre Bonnard was een vransk post-impressionistiske skilder, geboaren up 13 oktober 1867 up Fontenay-aux-Roses - uut de tyd up 23 januari 1947 up Le Cannet.

Bonnard hevt ait up sichsülv ewarked en is dårümme ouk neet simpel in te dealen by een bepålde styl. Nåst skilderen, ilustreyreden hee vake vöär blader en hevt ouk noch een mål een ebrandskilderde rute emaked. Y sült in syn wark noit geweld teagenkummen. Bonnard kekken ait med vöäle wille når de kleine dinge van et leaven, en dat döäd hee in syn skilderyen. Hy skilderden vöäle stråttafferelen uut Parijs of landskappen uut Süüd-Vrankryk achter een vulle untbyttåvel. Typiske Bonnard-underwarpen nå 1903 bint binnenkanten van een huus med vrouwlüde dee gangs waren an ear pot en stilleleavens.

Bonnard wördt döär syn klörige rüümtes ouk wal de lätste der impressionisten enöömd. Mar syn manere van warken verskilden inholdelik met den van de impressionisten; wår impressionisten een indrük van een moment wolden låten see, dår könden Bonnard mangs jåren an de kompesity gangs weasen te veranderen.

Leaven[bewark | bronkode bewarken]

Pierre Bonnard döäd een rechtenstudy an de Sorbonne in Parys van 1886 töt 1889 en een künstupleiding up 1888/89 an de Ecole des Beaux-Arts en vervolgens an de Académie Julian.

An de Académie Julian leyrden hee Ker-Xavier Roussel en Paul Sérusier, Maurice Denis en Jean­ Edouard Vuillard kennen, den hüm wys makeden med et wark van Paul Gauguin. Dit güngen up 1888 når een untmöting van ear up Pont-Aven. Nåst Gauguin wördden hee slim beinvlood van de toon eyrtyds up Europa wyd ewörden japanske klörenholtsneades, wår as der alleynig med lynes en groute klöörvlakken ewarked wördden.

Up 1890 satten hee kört in militäre deenst, wår as med stoppen ümme de heylen tyd as künstenaar künnen gån warken.

Nuvola apps ksig.png Dit artikel is eskreaven in et sallandsk.