Paul Gauguin

Uut Wikipedie, de vrye encyklopedy
Naar navigatie springen Naar zoeken springen

Eugène Henri Paul Gauguin (Parys, 7 juni 1848 – Atuona up de Marquesaseelanden, 9 mei 1903) was een vransken künstskilder. Syn skilderstyl wörd under et köppyn Postimpressionisme eset en et wark nå 1891 by Symbolisme. Hy wörd eaven-eyns, nåst Van Gogh en Paul Cézanne, as de vader van de moderne künst eseen.

Leaven[bewark | bronkode bewarken]

So as et verhaal wil, had Gauguin een beste bane as böärsmakelaar, had een vrouwe en kinder en leaven een good leaven in Kopenhagen. Mar hy gaven et allemåle up ümme up Vrankryk, Parys, an te gån en dår vöär de skilderkünst te gån leaven.

Tydens syn leaven was hy al een bekenden by de junge skilders in Vrankryk. In verskeidene gruppen was hy een soort guru vöär hün. In Pont-Aven, Bretagne, had hy een skildersgrup. Eyne van syn fans was Vincent van Gogh, wår as hy (med andringen van Theo van Gogh) en settyn med samen eleaved hevt. Dit hevt uutendelik töt een dikke rüsy ekummen, wårnå Van Gogh in een unwyse büie syn eigen oare der ofsneaden.

Gauguin güng op Tahiti an, ümme dår (achterof eseen) syn beste wark te maken. Hy söchten en verbealdden dår et püre en primitive leaven van de oorsprüngelike bewoaners dårsoot. Med vöäle inspiraty van de inheymske godsdeenstige gebruken en verhalen. Ouk al waren sy dår al vlink an et verwesteren. Hy hevt noch eyne mål når Parys ewesd, mar kreagen toon geyn erkenning van syn Tahiti-warken. Toon hy wear geld espård had was hy wearümme egån når de eilanden. Dår is hy ouk uut de tyd ekummen döär sülvmoordpögings, drank en uutendelik döär een geslächtsseekte.

Nuvola apps ksig.png Dit artikel is eskreaven in et sallandsk.