Oostkolonisatie
Oostkolonisatie (Duuts: Ostsiedlung) is nen term veur de trek van kolonisten uut et Heilige Roomse Riek naor Slavische en Baltische gebieden in Centraol- en Oost-Europa in de middeleeuwen. Et woord is rechtstreeks uut et Duuts vertaold (Ostkolonisation). Et word deur de mieste moderne geschiedkundigen ofewezen, umdät et betekent dat "leeger ontwikkelde laanden en volker" bezet en uutebuit wörden deur nen butenlandse macht.
Veur een paar gevallen kloppen dat wel; de gebieden tussen Elbe en Oder wörden veroverd deur veural Saksische härtogen. Ook de Baltische Pruusen wörden deur de Duutse Orde in enömmen. In de mieste andere gebieden waren et veural Slaviese vörsten, leegere adel en kloosters die uutneudigen tot 'kolonisatie'. Daor past misskien dus de term 'immigraotie' better. De kolonisten en Slavische inheemsen leafden daor al lange naost mekare, maer smölten uutendelik töt ene bevolking samen. Die gebruukten Nederduuts dialekten en gongen uutendelik oaver op et Hoogduuts. In de moderne geskiedenisopvatting is de angelegenheid van de Oostkolonisatie niet meer korrekt; et wörden in et verleden deur Duutse nationalisten ja misbruukt. Mar dät zegt natuurlik niks oaver et geskiedkundig belang.
De kolonisatie[bewark | bronkode bewarken]
De Slavische stammen die ten oosten van 't Heilige Roomse Riek leafden waren veurnaomelik arme boeren (horigen) tegenoaver de pläätselike adel. Dit bracht gien veuruutgangk in landbouw en ambacht. Het verhinderde ook dät er onofhankelike steden zich vörmden met nen eigen bestuur en rechtspraok maar, 't verhinderde ok 't onstaon van gilden.
|
Dit artikel is eskreaven in et sallandsk. |