Brandenburg

Brandenburg, officiääl den Ståt Brandenburg, is eyne van de ståten van Düütskland. Et ligt in et noordousten van et land en grenset nöäst Polen an de ståten Berlyn, Meakelenburg-Vöärpommeren, Neadersaksen, Saksen-Anholt en Saksen. Et is den up veer nå grötsten ståt van Düütskland wat uppervlak angeyt. Med 2,5 miljoon inwoaners woanet der up neagen ståten nå de meyste lüde. Höyvdstad Potsdam is de grötste stad. Andere groute städen sint Cottbus, Brandenburg an den Hoavel en Frankfurt (Oder).

Brandenburg ümslut den düütsken höyvdstad en stadsståt Berlyn. Med mekander vörmet see et verstädelikte gebeed Berlyn-Brandenburg, wat up twey nå et drukste stadsgebeed is van Düütskland. In 1996 deaden se al es kyken of se neet by mekander kunden, mär dat lükkeden neet. Toch warket de ståten nauw tohoupe med vöäle saken.

Brandenburg unstünd uut de Noordmarke in de 10. eywe, uut gebeden dee de Wenden afenöämen wörden. Under et Heilige Röymske Ryk was et Markgråfskup Brandenburg eyne van de vöärnaamste princedommen. In de 15. eywe vöäl et under Huus Hohenzollern, dee later Brandenburg-Prüüssen stichteden, den anvang van et Köäningryk Prüüssen. Tüsken 1815 en 1947 was Brandenburg ne prüsiske provincy.

Do as Prüüssen untbünden wör nå den Tweyden Wearldoorlog, wör Brandenburg nen ståt under et Militäär Sovjetbestüür. In 1952 bröäk de DDR den ståt up in verskeidene streakdistrikten. By de Düütske Eynwording van 1990 wör Brandenburg weader uperichted as eyne van de vyv nye ståten in de Federale Republik.

Süüdoustelik Brandenburg ümvat ouk de olde Neaderlausits. De meyste van disse streaken hebbet twey officiäle språken: düütsk un et slaviske laegsorbisk.

Bestüürlike indeyling

Distrikten

Stadsdistrikten

Benamingen in andere språken

Platduuts: Brannenborg
Duuts: Brandenburg
Nedersorbisch: Bramborska
Oppersorbisch: Braniborska)