Bielefeld

Oet Wikipedie, de vraaie enzyklopedie
Gao naor: navigasie, zeuk
Sparrenburg en blik op de binnenstad
Niederwall an de rand van de olde stad, waterpartye över de stadbaantünnel

Bielefeld (oetsproak: /ˈbiːləfɛlt/; Oostwestfaalsk: Builefeld, Bielefeld, Beilefeld of Builefeild) is ne grote kreisfreie stad in et noordoosten van de Düütse deelståt Noordrein-Westfalen. Met 336.352[1] inwonners (in desember 2016) is et de grötste stad van de strekke Oostwestfalen-Lippe en et vörnaamste ekonomyse härte. Et is de 18e grötste stad van Düütsland.

De eerste vermelding van Bielefeld kümp uut et 9e jårhonderd.[2] Bielefeld wörd vör et eerste ne stad nöömd in 1214. Leagen an et noordende van et Tötobörger Wold, zol de stad de grötste handelsstad van de Gråfskop Ravensbarg wörden. Bielefeld was langen tyd et middelpünt van de linnengoodindüstry. Vandage is de stad een sentrüm vör vodingsmiddeln, handel- en deenstverlening, drükkeryen en bekleding en masjynebouw. Buten de strekke zint ook de Ünyversyteat Bylefeld, Von Bodelschwinghsche Stiftungen Bethel, Dr. Oetker, de Laborschule en Oberstufen-kollege Bielefeld, et Theater Bielefeld en de sportvereanige Arminia Bielefeld bekend.

Seet 2013 is Bielefeld as Fairtradestad anwezen.[3] Zowat 200 Bielefeldse ondernemmingen doot hyr an met.[4]

Mooi üm te weten[bewark | bronkode bewarken]

  • Bylefeld is et onderwarp van ne satiryse samenzwearingsstelling, de Bielefeldverschwörung. Hyrin wörd beweard at Bylefeld nit besteet, mer dat der enkel åvertügend dån wörd as of. Et is een verdan wyrkommend internetgräpken onder Düütse internetbrukers.