Oost Leegduuts

Oost Leegduuts of Oost Leegsaksisch is n groep nait-standerdiseerde West-Germoanse Leegduutse varieteiten, dij veurnoamelk proat worden in t oostelk dail van Duutslaand. Oost Leegduuts heurt bie de Platduutse toal. Bie t Oost Leegduuts heurt, noast de heufddialekten Mekkelnbörgs (Mecklenborgsch) en Braandenbörgs (Branneborgsch), ook t Plautdietsch, dat in Duutslaand in de omgeving van Bielefeld, in Paraguay en de VS proat wordt.

Duutslaand eerkent t Oost-Nederduuts officieel as streektoal en sègt der steun aan tou, zo as dat t formuleerd is in t Europees Haandvest veur regionoale toalen of toalen van minderheden. Bepaarkte steun noar dail II van t Haandvest het de dailstoat Braandenbörg; roemere steun noar dail III het Meckelnbörg-Veurpommern. In baaide stoaten proaten ze t Oost Leegduuts.

De toalkode (ISO 639-2) van t Leegduuts is nds. Der binnen artikels in t Oost-Nederduuts in de Platduutse Wikipedie.