Luttenbarg

Oet Wikipedie, de vraaie enzyklopedie
Gao naor: navigasie, zeuk
Luttenbarg
Doarp in Nederlaand Flag of the Netherlands.svg
Luttenbarg (Oaveriessel)
Luttenbarg
Luttenbarg
Bestuur
Provinsie NL-OV Oaveriessel
Gemeente Roalte
Geografie en bevolking
Inwonners
2256 ()
Koördinaoten 52° 24′ N, 6° 22′ OKoördinaoten: 52° 24′ N, 6° 22′ O
Aoverig

Luttenbarg is n doarp in de gemeente van Roalte in Oaweriessel. An t eande van 2003 har t ongevear 2256 inwonners. Op t zuudn van Luttenbarg he'j n natuurgebeed wat n zelfden naam hef, met völle bos en wat heade. t Is nen kleainen stuwwal met t heugste peunt op 31 meter boawn NAP. t Is n vriejlignd deel van de Sallaandse Heuwelrugge.

De boern in en roondum t doarp doot vuural met melkbeeste.

Kortbie t doarp he'j n vriejetiedspark zo as ne camping en n park met vakaansiehuuskes. Op t zuudoosten he'j n stroatnracebaan de Luttenbargreenk. hier wördn van 1971 töt an 1989 internasjonale motorraces eheuldn. In Luttenbarg zitt ook t Landbouwmuseum De Laarman en t kloompenspul Diekman, woer noar oold ambacht kloompn emaakt wordt. Miln in t doarp steet seend 1915 nen mariagrot.

Duur t doarp löp de laandelike fietsroute 15 Boerenlandroute. t Doarp is slecht te bereiken met t OV. De bushalte den't t körste bie lig, is op 3,5 km ofstaand, noabie Roalte en Lemelerveeld en in t wekneande keump dr ginne busse.

Mooi um te weten[bewark | bronkode bewarken]

  • Luttenbarg trekt joarliks völle leu oet heel Neerlaand, umdet der tiedens t Luttenbergs Feest t laandelik bekeande zwientietikken edoan wörd.