Zwientietikken

Uut Wikipedia, de vrye encyklopedy
Naar navigatie springen Naar zoeken springen

Zwientietikken of Zwientie-Tik is een oold volksgebroek oet Luttenbarg in Sallaand, tiedens t joarliks eheulden Luttenbargse Feest.

Oetleg[bewark | bronkode bewarken]

Bie t zwientietikken wörd nen biggn lös eloaten in n soortemeant stormbane met nen waterbak, ne koele of bak vol drek en een gedeelte met zaagsel. Deelnemmers mut met nen bleenddook vuur proberen in dee stormbane t "zwientie te tikken". Wee t as eerste vuur mekaar krig den bign an te raken hef ewunnen en krig ne geeldpries met. As t zwientie eraakt is wörd dr eflöaitt duur nen skeaidsrechter, woernoa't de deelnemmers den bleenddook of magnt doon en noar ne belle mut, zodet iederene nog nen tweeden kaans hef um ook wat te winnen. Doarnöast is der ne zekere eare an verbeunden, want wee't weent mag zikzelf een joar laank Neerlaands Kampioen Zwientietikken neumen.[1]

Kompetisie[bewark | bronkode bewarken]

Umdet t antal deelnemmers onmeundig is, wordt der duur vuurroondes noar ne finale hen ewaarket. Der keump aait nen machtigen bult kiekvolk op of. Ook wörd der oonderskeaid emaakt tusken kearls- en vroalekompetisie.

Vuur de kleainen[bewark | bronkode bewarken]

Der is ne ofzeunderlike kompetisie vuur jonge deelnemmers. Dee doot met in t Knientie Tikken, woerbie den bign vervöngen wörd duur n knien.

Bezwoar[bewark | bronkode bewarken]

Verskeaidene deerbeskaarmingsorganisasies zo as de Dierenbescherming en AnimalPeace probeert al joaren t gebroek te verbeden, umdet den bign zik op-ejag veult en nen jachterigen tied metmaakt. De roadsleden van de gemeente Roalte zeet der nog gin kwoad in.

Verwiezings[bewark | bronkode bewarken]

  1. regiosalland.nl. Zwientietikken weer ouderwets gezellig in Luttenberg. 16 Augustus 2009.

Oetgoande verbeending[bewark | bronkode bewarken]