Leek (Grunn)
| Leek | |||||
Ploats in Nederlaand 
| |||||
 |
| ||||
| (Vlagge van Leek) | (Wapen van Leek) | ||||
| |||||
| Bestuur | |||||
| Provinsie |  Grunnen
| ||||
| Gemeente | Westerkertier | ||||
| Geografie en bevolking | |||||
| Inwonners |
11.565 (2023) | ||||
| Koordinaten | 53° 10′ N, 6° 23′ O
Koördinaoten: 53° 10′ N, 6° 23′ O | ||||
| Aoverig | |||||
| Belangrieke verkeersaoders | A7 | ||||
| Netnummer | 0594 | ||||
| Postkode | 9350-9351 | ||||
| Offisiële webstae | |||||
| www.leek.nl | |||||
Leek (Grönnegers: (de) Laik, Westerkertiers: (de) Leek, Fries: De Like) is n ploats ien t Westerkwartier, provinzie Grunnen. t Leit ien t olle gewest Vredewold. Om Leek toe vienst doe de dörpen Zeuvenhuzen, Tolbert, Midwolle, Lettelbert, Oostwold en Enumatil (IJmentil).
Leek stijt veural bekend om de börg Nienoord bij de heufdploats. Dit is n olle börg die oorspronkelk baauwd is deur de femilie Van Ewsum uut Middelstum, die de "Nije Oert" (nieuwe oord, Nienoord) sticht het om ien t gebied ten zuden van Leek te begunnen mit t groaven van törf.
Op t landgoed Nienoord is ien e börg t Nationaal Rijtuigmuseum vestegd. Wieder is der n groot femiliepark en n zwemkasteel (zwembad mit overdekte boaden en n butenbad). Op t terrein is ook t openluchttheoater Podium Nienoord te vienden. Aan e rand van t landgoed is de camping Westerheerdt vestegd en der is ook nog n iesboan annex wiendhondenrenboan.
Leek het n mooi overdekt winkelcentrum, De Liekeblom. De regionoale scholengemeenschop De Borgen geft onderwies op VMBO, HAVO, VWO en Gymnasium-niveau.
Noam
[bewark | bronkode bewarken]De noam van Leek gijt weerom op t woord Leek of Leke dat 'lutje woater' betiekent. Dizze noam komt din weer van t woatertje De Leeke of De Lek. Ien Leek zölf numen de mensken dit woatertje t Piepke (t stroatje van e Dam noar Nijtap herinnert doar nog aal aan). De noam van t loeg komt din vermoedelek ook van t woatertje.[1]
De ienwoners van Leek numen t dörp zölf ook 'Leek' of 'De Leek'. Buten Leek (of buten t Westerkertier) zeggen de mensken gauwer 'Laik'. Een ienwoner van Leek hiet n 'Leekster' en doe bist ait 'op e Leek' (dus niet 'ien Leek'). [2] Ien t Fries hiet t dörp ook 'De Like', wat nog ien e noam van winkelcentrum 'De Liekeblom' herkend worden kin.
- Van links når rechts: Kerk up de Dam, et Jöädske Skooltje un et Leekster Höäfddeyp
-
-
-
| Brunnen, nöyten en/of referentsys |
|
Schreven ien t Westerkertiers |