Kotor

Oet Wikipedie, de vraaie enzyklopedie
Gao naor: navigasie, zeuk
Oetzicht oawer den Baai van Kotor.

Kotor (in et Sirillies skrift: Котор, in et Italjaans: Cattaro) is ne kuststad in Montenegro. Et lig in een ofslötten deel van de Golf van Kotor. Der wont 13.510 leu. Et is de heuwdstad van de gemeente Kotor.

De Middellaandse Zeehawen van Kotor ligt tusken forten dee bouwd bint in de Venesiaanse tied. Et lig in de Baai van Kotor (Boka Kotorska). Wat leu neumt et et meest zudelike fjord van Europa. Toch is et ne ria, ne blaankstoande riviercanyon. Met de oawerhangende kalksteenklippen van de boargen Orjen en Lovćen maakt Kotor en de umgewing een indrukwekkend en skeelderachtig laandskop.

De leste joaren komt der alverdan mear toeristen op Kotor of. Völle komt der met cruiseskip. Ze komt vuur de Golf van Kotor en de oolde stad. Kotor steet op de wearldoarfgoodlieste van UNESCO.

Verleden[bewark | bronkode bewarken]

Kotor wörd in 168 vuur Kristus duur de Romeinen al neumd as Acruvium. Et lea in de Romeinse proveensie Dalmasië.[1]

Den Romeinsen keizer Justin I verdreef de Oostgoten bouwden een fort boawen Acruvium in 535. Hier wör skienboar heanig ne nieje stad umhen bouwd, umdet Constantien Porphyrogenitus in den 10den eeuw verwis noar Leeg Kotor. in 840 reuwden de Saracenen de stad löag. Kotor was ene van de mear invloodrieke Romaniseerde Illiriaanse stadsstoaten in de Middeleeuwen. Töt en met den 11den eeuw kuierden ze Dalmaties in Kotor.

In 1002 wör de stad in enömmen duur et Eerste Bulgaarse Riek en et joar doarop wör de stad oawer edreagen an Servië. De lokale bevolking köm in opstaand tegen et verdrag. Kotor har nog een verdrag met de Reppubliek Ragusa en kon doarduur den oawerdracht nog töt 1184 bevechten. In den 13den eeuw wörden der Dominikaner en Fransiskaner orders esticht um de verspreading van de Bogomielen tegen te goan.

In 1420 köm Kotor oonder Venesiaans besteur en wör et indeeld bie de proveensie Albanië. De Ottomanen beleagerden et in 1538 en 1657. Duur de veerhoonderd joar Venesiaans besteur hef Kotor nen kenmoarkend Venesiaansen anblik ekregen.


In den 14den en 15den eeuw kömmen der grote groepen intrekkers noar Kotor, oet de oblasts van Trebinje (de strekke um de forten Klobuk Ledenica en Rudina) en de Humlaanden (Gacko en Dabar).[2]

In 1563 en 1667 wör Kotor zowat verwoost duur eardbewingen.

Volk[bewark | bronkode bewarken]

Kotor is de heuwdstad vuur de lieknamige gemeente, woer as ook de städkes Risan en Perast too heurt. Wiedters gef et nog een antal gehuchten roond de Baai van Kotor. Der wont 22.601 leu.[3]

Bestuurlik bekik et stadsbesteur allene de ooldstad. Doarumme hef Kotor offisjeel 961 inwonners. Mer de stadsstrekke um Kotor, woer as Dobrota (8819 leu) en Škaljari (3807) ook bie heurt, huuzet dus 13000 inwonners. A'j doar nog de gehuchten Muo, Prčanj en Stoliv bie rekkent.

Etnisiteat[bewark | bronkode bewarken]

De inwonners van Kotor rekkent zik bie de volgende groepen.

Geleuf[bewark | bronkode bewarken]

Volgens wellen oet 1900 har Kotor 7617 Rooms-Katholieken en 7207 Orthodox Kristeliken. Kotor is nog aait de heuwdplaats van et Bisdom Kotor, dee as de hele golf beslöt. In 2011 warren 78% van de Kotorse leu Orthodox Kristelik, terwiel as 13% zik Rooms-Katholiek rekkenden.

Vervoor[bewark | bronkode bewarken]

Kotor ligt an de Adriatiese Snelweg. In et binnenlaand kom iej duur de Vrmac-tunnel. A'j duur de Sozina-tunnel goat, kom iej vuurbie Budva of Sutomore. Der is ook ne oolde weg tusken Kotor en Cetinje, vanof woer a'j mooi oawer de Baai kieken köant.

Op 5 km van Kotor lig Lochthawen Tivat, met regelmoatige vluchten noar Belgrado, Moskou, Paries en verskeaidene aandere sjartervlochten. Op 65 km ligt Lochthawen Podgoritska.

Zeensweardigheden[bewark | bronkode bewarken]

Kotor hef ene van de bestbewoarde Middeleeuwse ooldsteaden an de Adriatiese Zee en steet op de Wearldoarfgoodlieste van UNESCO. Toeristen komt vuur de Kathedraal van Sunt Tryphon (bouwd in 1166) en de oolde muren van 4,5 km laank. Wiedters komt de leu gearne noar de eileandkes Sveti Đorđe en Gospa od Škrpijela vuur de kuste bie Perast.

Partnersteaden[bewark | bronkode bewarken]

Referensies[bewark | bronkode bewarken]

  1. Jackson, Hamilton. The Shores of the Adriatic (Illustrated Edition). Echo Library, 2010. blz. 269. Bekekken: febrewoari 2011.
  2. Tošić, Đuro. Trebinjci i Zahumljani u srednjovjekovnom Kotoru. in Istraživanja, 2005. blz. 221-227.
  3. Monstat. Montenegriense volkstelling 2011.2011