Klazieneveen

Uut Wikipedia, de vrye encyklopedy
Nå navigaty springen Nå söken springen
Winkelcentrum 't Schip (Klazieneveen)

Klazieneveen (Nederlaands: Klazienaveen) is een plaatse in de gemiente Emmen, in de pervincie Drenthe. Op 1 jannerwaori 2019 had Klazieneveen 12.118 inwoners, aj 't butengebied en Barger-Oosterveen mittelt.

Waor of 't lig[bewark | bronkode bewarken]

't Kenaaldörp lig an de Verlengde Ogeveinse Vaort, die ter plaatse 't Van Echtenskenaal het. End jaoren zeuventig hebt ze 't kenaal in 't centrum diels dichtemeuken, waordeur der gien deurgaond vaarverkeer meer meugelijk was en der meer roemte beschikber kwaamp veur wegverkeer en winkels. In 2005 is begund mit de bouw van een winkels- en appartementencomplex baovenop iene van de gedempte kenalen. Dit complex, Schip I, wördden in 2007 opeleverd. In 2012 is daor een tweede complex, Schip II, bijekomen.

Klazieneveen lig an de A37. Via de N862 is de plaatse verbunden mit Emmen.

Geschiedenis[bewark | bronkode bewarken]

Klazieneveen is begund as veenkolonie, in de 19e ieuw esticht deur de industrieel Willem Albert Scholten uut Stad. Hij nuumde de plaatse Klaziena Sluis naor zien vrouwe.[1] Op 14 jannewaori 1904 kreeg Klazieneveen een verbiending per stoomtram, toen de DSM 't traject Erica - Klazieneveen lös deu. In 1907 wördden dizze liende deuretrökken. In april 2017 hebt ze in 't depot van 't Veenkoloniaal Museum in Veendaam de vlagge van Klazieneveen ontdekt. In 1888 was dizze vlagge deur Willem Albert Scholten eschunken an de eerste schipper in 't Klazieneveen, Adde Hazewinkel.[2]

In 't begun van de 21e ieuw is de umgeving van Klazieneveen een tuunbouwgebied mit een best antal kassen. In Klazieneveen-Noord wördt 't laandgoed Scholtenszathe ontwikkeld, ontstaon uut de Maotschoppije Klazieneveen. Hier wördt huzen, bos, recreatie en natuurbouw mit menare combineerd. In Klazieneveen hej 't febriek van Norit, daor as ze actieve kool maakt. Vrogger was de grondstof zwarte törf, ofkumstig uut de vervening in de umgeving. In april 2004 wördden een nei febriek lös edaone.

Wat of der te zien is[bewark | bronkode bewarken]

  • Villa van 't jaor 1903, die oorspronkelijk as marechausseekazerne diende, mit een huus veur de wachtcommandant deran vaste.
  • Een monument det herinnert an 't bombardement op 't Puritfebriek in de Tweede Wereldoorlog.
  • 't Keunink Willem-Alexanderkenaal, in 2013 lös edaone.
  • Bronzen bield De Veenarbeider (in 2000 uutereupen töt Klazienevener van de ieuw nao een umvraog in de dörpskraante)
  • Köppelsluzen in de Veenvaort.

Karkgeneutschoppen[bewark | bronkode bewarken]

De hierbaoven enuumde karkgeneutschoppen warkt mit menare in de maande in de vörm van de Oecumenische Warkgroep Klazieneveen. Dizze warkgroep organiseert alle jaoren onder meer een mandielige karstviering, Sunte-Meerten-viering en oecumenische lezing, en helpt de Nationale Dodenherdenking op 't dörp te organiseren.

Sport[bewark | bronkode bewarken]

In 1955 maakte VV Zwartemeer de aoverstap naor 't betaalde voetbal. In 1966 wördden de amateurs en de profs ampart edaone en gungen de lesten wieder onder name Sportclub Drenthe. In 1971 kwaamp der een end an 't betaalde voetbal.

Klazieneveen hef een eigen taofeltennisveriening: DTK '70. DTK '70 wun bij de vrouwen achtmaol 't Nederlaands kampioenschop, tweemaol de Nederlaandse beker en ienmaol de Europa Cup veur laanskampioenen. Anno 2012 speult de vrouwen niet langer op 't hoogste niveau. De mansluden dreit al wat jaoren mit in de eredivisie. In 2008 plaatsten ze heur in de naojaorscompetitie veur de play-offs um 't laandskampioenschop, mar wördden de club in de halve finale uuteschakeld. In 2018 wördden 't mannenteam veur de eerste keer laandskampioen.

In 2008 bint voetbalverienings VV Klazienaveen en VV Zwartemeer een samenwarkingsverbaand anegaone veur 't jeugdvoetbal in Klazieneveen onder de name KZC '08, wat stiet veur Klazieneveen-Zwartemeer-Combinatie 2008. Bij KZC '08 voetbalt zo'n viefhonderd jeugdleden van pupillen töt an junioren in naostebij vieftig teams. In 2017 gungen VV Klazieneveen en VV Zwartemeer samen wieder onder de name FC Klazienaveen.

Ter gelegenheid van 't ieuwfeest van Klazieneveen wördden in 1984 veur 't eerste een marathon organiseerd. In 2015 stunden 1400 atleten uut twaalf verschillende laanden an de startstrepe.

Wie of der weg koomt (geboortig)[bewark | bronkode bewarken]

Verwiezings[bewark | bronkode bewarken]


Wikimedia Commons Commons: Klazieneveen - plaatjes, filmkes en/of gelüüdsbestanden.