Klaas Würsten

Klaas Würsten (Asselt, febrewari 1930 - ok daor, 28 augustus 2014) was een boer, wetholder en Sallaandstalige schriever uut Aoveriessel, Nederlaand.

Een groot diel van zien levend woonde Würsten in de buurtschop De Velde onder De Sluus, daor as e veeholder was. Ok hef e wetholder ewest van de gemiente De Sluus. Naodet e dermit uutscheidde as boer, gunk e in Asselt wonen.

Würsten schreef anvaankelk in 't Nederlaands, mar toeverdaans meer in 't Veldigers. Zien verhalen speult miest in De Sluus en de umgeving van 't Zwarte Water. Hij was ien van de oprichters van de Overiesselse Schrieversbond en de Noord-West Oaveriesselse Schrieverskring. Töt 2011 had e lange tied alle weken de column 'Miets'n' in de Stentor, daor as e onder meer in schreef aover plaatselijke poletiek. Ok dreug e bij an 't tiedschrift Kopstôkken.

Uutgaves

• Mijmeringen rond middernacht (gedichten, 1983)
• Sporen in de dauw (gedichten, 1989)
• Dorpsgenoten (verhalen en wat gedichten, Kampen: Iesselakkedemie, 1990)
• Dit is mien dorp (verhalen, Eanske: Van de Berg, 1994)
• Kraggenlaand (elf verhalen en gedichten, tekstboekien en cd, Iesselakkedemie / Silvoc, 2006)

Bronnen

• Detaalvanoverijssel.nl aover Klaas Würsten

Dit artikel is eschreven in 't Zuudwest-Drèents.