Klaas Kleine

Uut Wikipedia, de vrye encyklopedy
Nå navigaty springen Nå söken springen
Klaas Kleine in Dever

Klaas Kleine (Koldervene, 1940 - Dever, 24 oktober 2000) was een ambachtsman en Drèentstalig schriever. Naost een paar boeken bint d'r van zien haand een bult artikels verschenen in kraanten, maondblaoden en aandere media. In de Drèentse culturele wereld stund e bekend as een kleurrieke, non-conformistische feguur[1], 'kwetsbaor, zachtmoedig, vol met humor, maor ok rechtlijnig, eigenwies'[2].

Beroepen[bewark | bronkode bewarken]

Klaas Kleine gruuide op in Möppelt, daoras e twee jaor op de ambachtsschoele zat. Nao alderhaand baonties kwaamp e bij zien va in de smederije te warken. In 1966 verbouwde hij in Dever een bouwval tegenaover de karke töt woonhuus en smederije. Hier ontwikkelde hij hum van hoefsmid töt edelsmid. Ok legde hij hum toe op restauratiewark in kestielen en laandhuzen. Veur de jaorlijkse openlochtopvoerings van 't Shakespeare Theater Diever, waorin e zölf rollen speulde, maakte hij wapens. Wieder was e vioelbouwer, kezemaker en geitenhouder. In 't plaatselijke hervörmde karkleven was e actief as koster, olderling en karkvoogd.

Schrieverije[bewark | bronkode bewarken]

Kleine begunde te schrieven onder anmoediging van de schrievers Marga Kool en Gerard Nijenhuis en dreug vanof de jaoren tachtig bij an Drèents letterkundig tiedschrift Roet. Ok schreef e stokkies veur 't Nieuwsblad van het Noorden en 't maondblad Drenthe. Veur RTV Drenthe schreef e heurspulteksten. In naovolging van Jan Naarding hef Kleine eperbeerd een Drèentse bewarking van 't dierdicht Reintien de Vosse te maken, mar det hef e niet ofekregen.

Van 1989 töt 1993 was Kleine veurzitter van de Drentse Schrieverskring. Hij warkte mit an 't Drents kerkelijk liedboek, was bestuurslid bij de Stichting Drentse Taol en gaf cursussen Drèents. In 1995 bundelde Roet de töt dan toe verschenen Dryloeken, gedichten die Kleine tussen 1988 en 2000 rond de jaorwisseling an vrunden en vaste lezers stuurde.

In 1996 hef e de Simon van Wattum-pries ekregen veur bezundere inspannings veur de streektaal.

Nao Kleines aoverlieden brocht Roet (in 2002) een themanommer uut waorin veural zien schriefwark belocht wördden. Collega-schrievers wördden uuteneudigd een bijdrage te levern en gaven in gedichten en verhalen an wat Kleine veur heur betiekend had.

Belangriekste publicaties[bewark | bronkode bewarken]

  • Waor blief Ie now?/Vangt de loze vossen (bewarking van 't Hooglied, 1984)
  • Iezerstark, verhalen uut de smederij (1986)
  • Een feestelijk starfgeval (novelle, 1991)
  • Broggen (körte roman, 1999)
  • 99 Krabbels
  • Kerkgeschiedenis van Diever
Nuvola apps ksig.png Dit stok is eschreven in 't Zuudwest-Zuud-Drèents.
  1. Encyclopedie van Drenthe
  2. Huus van de Taol